FDCH Sei Hapara Estudante Bolsa Parsial Ne’ebe La Asina Kontratu

SAPNewsTL, Dìli- Bazeia ba diploma ministerial 11/2024, 7 de fevereiru, Fundo Dezenvolvimento Capital Humano(sigla Portugues FDCH), transforma bolsa hakbiit ba bolsa parsial nune’e estudante befenisiariu la menta, no la assina kontratu ba transformasaun ne’e, nune’e FDCH sei hapara estudante befenisiariu ne’ebe mak la asina kontratu.

Tuir Diretor Ezekutivu Fundo Dezenvolvimento Capital Humano Julio Aparício hateten transferénsia bolsa hakbiit ba iha bolsa parsial ne’e tanba sira halo ona monitorizasaun iha kada universidade no hetan ona dadus katak estudante befenisiariu balun la aproveita ho diak, nune’e lamentasaun estudante sira ne’ebe mak sei la asina kontratu FDCH sei hapara bolsa parsial.

“Ha’u halo monitotizasaun ne’e mak hetan dadus ne’e, ema seluk nia problema labele todan mai ha’u, sira nia problema bainhira sira la asina, ha’u sei hapara tanba ne’e sira mak hakarak,” Dehan diretor ezekutivu Fundo Dezenvolvimento Capital Humano Julio Aparicio, ba Jornalista sira hafoin remata worshop iha salaun Delta Nova,(04/07/2024)

Nia haktuir planu no programa ne’e governu nian atu hapara bolsa hakbiit maibe bazeia ba FDCH nia avaliasaun hapara total sei fo impaktu ba iha estudante befenisiariu sira tanba ne’e mak halo transferêncsia bolsa hakbiit ba bolsa parsial hodi selu estudante sira nia propinas.

“Nu’udar diretor ezekutivu ha’u luta mak daudaun sira hetan bolsa parsial ne’e maibe bolsa ne’e revoga katak la iha ona ne’e tanba bazeia ba avaliasaun ida, maibe FDCH no konselhu administrasaun sei hanoin katak hapara total ne’e labele tanba ne’e mak ami buka dadus no ikus liu ami transfere bolsa hakbiit ba bolsa parsial hodi selu sira nia propinas”.nia informa

Diretor ezekutivu salienta bazeia ba orsamentu ne’ebe mak preve ne’e 500 Mil dolares, entaun atu responde ba estudante befenisiariu sira sei fo subsídíu 150 dolares kada tinan.

“Atu responde pedidu individual, bolsa parsial no bolsa rai liur nian ne’e 500 Mil dolares, entaun atu responde ida ne’e ami atu fo resposta ba sira fo supsidiu ba kada estudante ida ho 150 dolares iha tinan ida ne’e opsaun primeiru laos kada fulan, maibe tuir ami nia hanoin katak ida ne’e la responde estudante sira ne’e mak iha universidade privadu sira”. Nia deklara

Entretantu, antes ne’e estudante sira ne’ebe benefisiáriu bolsa hakbi’it liu husi komunikadu imprensa deklara sei la asina bolsa parsial tanba konsidera injustu.

Estudante benefisiáriu bolsa hakbi’it hamutuk rihun tolu resin tolunulu (3.030) mak hola parte iha bolsa refere.

Antes ne’e, estudante sira deklara sira nia parte sei halo asaun pasífiku hasoru governu tanba revoga bolsa hakbi’it ba bolsa parsial.

Jornalista: Dircia Baptista Belo