Festa Demokrasia ! Komunidade Barak Hein To’o Hamlaha & La Vota

SAPNewsTL, Dili : Komunidade Barak La Vota Iha Aldeia 12 Outubru no deside fila ba uma tanba laiha espasu ne’ebé naton hodi sira vota no ezerse sira nia direitu kauza husi hein desde dadersan tuku 7 to’o loraik

Komunidade sira deside fila ba uma no la vota tanba hein kleur halo sira hamlaha, hamrok inklui la tahan ho loron manas iha sentru votasaun refere

Tuir Observasaun Jornalista SAPNewsTL iha Terrenu nota katak komunidade sira iha aldeia 12 Outubru, Suku Comoro Postu administrativu Dom Aleixo Munisípiu Dili barak kontinua forma naruk hodi ezerse sira nia direitu votu no balun kontinua fila ba uma tanba prosesu vota lori oras barak liu

Eleisaun Suku iha Periodu ne’e diferente tebes ho eleisaun Parlamentár no eleisaun Prezidensiál, tanba Kandidatu Xefe Aldeia no Dekegadu/a hakerek de’it ho liman halo prosesu ne’e sai kleur no naruk tebes

Komunidade sira iha Suku Comoro Aldeia 12 de outobro kuaze atus ida (100) lamenta tebes ho prosesu sistema forma naruk no hein kleur molok ezerse sira nia direitu.

Situasaun ne’ebé hanesan akontese mos iha Aldeia Abere Suku Luro Postu administrativu Luru Munisípiu Lautém.

Iha sorin seluk, Joventude Fernando Coluna sente lamentavel tanba guvernu ladun fo seriedade ba sistema eleitoral ne’ebé halo prosesu naruk hodi difikulta komunidade barak la vota

“Ha’u kestiona tebes prosesu eleisaun lideransa Komunitaria periodu ne’e tanba governu hanoin nia an de’it no la fo seriu ba eleisaun ne’e, ikus mai komunidade barak la vota tanba hein kleur no hamlaha”. Tenik Fernando Coluna ba SAPNewsTL Sabadu, 28/10/2030

Tuir Observasaun Jornalista nota katak komunidade sira barak la konsege vota no fila ba uma tanba sistema Vota Hein kleur no naruk la hanesan ho eleisaun Parlamentár no prezidensiál

Portantu, Relasiona ho preokupasaun ne’e SAPNewsTL sei kontinua rekolla informasaun kompletu hodi aktualiza iha oras balun tuir mai

Jornalista: António Tilman