Imajem : Eis Vise Presidente Konsellu Jeral IPB entrega relatóriu ba Presidente Konsellu Jeral IPB foun Brígida Antonia Correria iha Manufahi, 23/04/2025
SAPNewsTL, Manufahi : Liu hosi primeiru enkontru membros Konsellu Jeral Instituto Politécnico de Betano (sigla postugés IPB), halo termo de entregue Relatóriu hosi Presidente Concelho Geral sessante Rui de Carvalho ba Concelho Geral atual Brigida Antonia Correia.
Hafoin enkontru no halo termo de entregue relatoriu atual Prezidente Konsellu Jeral Brigida Antonia Correia hateten, iha enkontru dahuluk sira aprezenta aan nu’udar Presidente konsellu foun no halo termo de entregue relatoriu ba planu servisu durante tinan tolu.
“Ohin ami halo primeiru enkontru ba konsellu jeral no ami mos aprezenta aan nu’udar Presidente ba konsellu foun, iha enkontru dahuluk ne’e halo termo de entrega hosi Presidente konsellu Jeral sesante, maibe infelizmente nia la marka prezensa, nune’e reprezenta hosi nia vise hodi entrega relatoriu ba sira nia planu servisu durante tinan tolu, tuir estatutu foun ba Presidente Konsellu Jeral, ami hetan nomeiasaun hosi Konsellu Ministru ba tinan 2025 to’o 2028”. Dehan atual Prezidente Konsellu Jeral ba SAPNews hafoin enkontru no halo termo de entregue iha salaun enkontru IPB, Manufahi, (23/04/2025).
Atual Prezidente Konsellu Jeral Brigida akresenta, iha enkontru refere sira mos halo renovasaun kalendariu ba avaliasaun dokumentu kandidatu Prezidente Institutu Politekniku Betano (IPB), eleisaun no kampanha nian tanba antes ne’e halo ona hodi hala’o iha loron 13-15 maibe la konsege.
“Iha enkontru ne’e ami mos prepara ajenda hodi halo renovasaun kalendariu avaliasaun ba dokumentu kandidatus Presidente IPB nian, ami mos halo renovasaun ba data eleisaun no kanpanha, tanba ates ne’e sira halo ona desizaun ida katak atu kandidatu sai Presidente IPB entre dia 13-15 maibe la konsege, ohin Ami aprova data foun hodi deside ba prosesu kampaña no mos eleisaun Prezidente IPB iha loron 25 Abril”. Nia informa.
Brigida salienta, sira mos halo avaliasaun ikus ba dokumentu kandidatus nain hitu ne’ebe sei avansa ba prosesu kampanha, iha loron 25 sei halo kampanha hafoin eleisaun ba kandidatu ne’ebe avansa iha kampanha hodi deside Prezidente IPB foun ba mandatu tinan lima.
“Ohin ami mos deside halo avaliasaun ikus ba dokumentu kandidatus nain hitu ne’ebe sei avansa ba prosesu kampanha, nune’e iha dia 25 dader sei halo seremonia kanpanha ba kandidatus Prezidente IPB, hosi kampanha ne’e ami komesa halo eleisaun ba kandidatu ne’ebe avansa, iha dia 25 ita bele hetan ona Prezidente IPB foun ba mandatu tinan lima”.
“Hosi ne’e nia bele prepara aan no akompaña prosesu administrativu iha IPB nia laran, nune’e fulan juñu ba jullu Prezidente atual ne’e nia mandatu sesa entaun nia retoma ninia mandatu hanesan Prezidente foun”.
Imajem : Presidente Konsellu Jeral IPB Brígida Antonio Correira
Nia informa, tuir estatutu Prezidente Konsellu Jeral mak iha direitu hodi aprova administrativamente planu hosi Prezidente no estrutura ezekutivu IPB, sira sei aprova, avalia, rezolve problema ne’ebe iha no halo aprovasaun ba orsamentu.
“Tuir estatutu ne’ebe maka iha, ami hanesan Prezidente Konsellu Jeral sei aprova administrativamente planu ne’ebe mai hosi Prezidente no estrutura ezekutivu IPB. Ami mak sei aprova, avalia no tesi lia wainhira mosu problema iha IPB, nune’e ami maka sei haree situasaun ne’e tomak no oinsa maka bele halo aprovasaun ba orsamentu”.
Nia dehan, “progrma sira tenke aprezenta mai ami, hafoin ami aprova mak sira ezekuta tanba ne’e ami nia knaar iha ne’e halo avaliasaun, aprovasaun no komunika diak ho sira hodi bele haree lalaok IPB nia atu lao too iha ne’ebe”.
Entretantu, kandidatu Prezidente IPB hamutuk mane na’in hitu, la inklui ho igualdade jéneru tanba laiha feto ida mak kandidata an.
Jornalista : Conzita Mota & Marciana Da Conceição