Finansia Programa 6, OJE 2026 Ba MOP Hamutuk $𝟐𝟑𝟕,𝟏𝟎𝟖,𝟖𝟗𝟐

Imajem : Ministro Obras Públicas (MOP) Samuel Marçal iha PN, 18/11/2025. Foto : Média GPM

SAPNewsTL, Dili : Parlamentu Nasional aprova Orsamentu Jerál Estadu (OJE) tinan fiskál 2026 bá Ministériu Obras Públikas (MOP) ho totál $237,108, 892 aprovadu ho votus a favór 42, abstensaun 23 no kontra zero, iha faze espesialidade.

Orsamentu ne’e fahe bá kategoria Saláriu no Vensimentu $7,354,614, Bens no Servisu Korrentes $17,274,303, Transferénsia Públika $129,918,321, Kapitál Dezenvolvimentu $77,311,654 no Kapitál Menór $5,250,000. MOP iha programa neen, sub programa 15 no atividade hamutuk 719.

Programa sira ne’e mak hanesan:
Programa 026: Estradas ho Pontes
Programa 028: Dezenvolvimentu Rurál no Urbanu
Programa 510: Funsionamentu no Dezenvolvimentu Institusionál
Programa 798: Bee no Saneamentu
Programa 802: Elétrisidade
Programa A25: Laboratóriu Infraestruturas

Debate espesialidade ne’e lidera hosi Prezidente Parlamentu Nasionál, Maria Fernanda Lay no partisipa hosi Primeiru-Ministru (PM), Kay Rala Xanana Gusmão, membru Governu sira inklui entidade relevante seluk.

Proposta Lei OJE 2026 Billiaun $2.214.689,195 ho kategoria Saláriu no Vensimentu $476.870.249, Bens no Servisu Korrente $447.904.446, Transferénsia Públika $820.710.160, Kapitál Menór $32.556.96 no Kapitál Dezenvolvimentu $436.647.379.