FRETILIN Promete Hadia Edukasaun, Prepara Jovens Matenek Kontinua Obra Ukun Iha Futuru

SAPNewsTL, Dili : Iha Komísiu Partido Frente Revolusionario Timor-Leste Independente (FRETILIN), Presidente FRETILIN Francisco Guterres Luolo hateten FRETILIN Hamriik hodi liberta patria no povu, patria liberta ona, FRETILIN tenki manan iha 21 Maiu 2023 para hametin estadu no lori moris diak liu ba povu liu husi hadia setor edukasaun

“Fretilin mai hamutuk ho imi, atu husu dala ida tan eleisaun 21 de Maiu atu vota ba FRETILIN, Ha’u fiar imi kamarada sira Fretilin sei manan iha eleisaun ida ne’e, atu fretilin fila fali ba ukun, hahu husi fronteira Bobonaro hodi mai to’o rai klaran. Viqueque no Lautem fila fali mai Dili, Sira ulun fatuk moras ona atu bele menan Fretilin iha tempu ida ne’e, fretilin sei manan atu ukun tanba tempu to’o ona fretilin atu menan”Dehan Presidenti Partidu Fretilin Fransisco Guteres Lu-olo, iha tasi tolu tersa (16/05/2923).

Presidente Partidu FRETILIN ne’e hatutan, “Fretilin mak luta ba independensia Timor-Leste nian, Fretilin sakrifika nia an, fretilin terus no mate maibe to’o fim Fretilin manan, manan duni ba rai ida ne’e hodi liberta povu husi kiak no mukit, kria servisu ba joven sira hodi hadia sira nia moris, Timor presiza matenek, atu sai matenek edukasaun importante tebes, futuru sei laiha, wainhira laiha edukasaun, Presiza hadia edukasaun ho diak, professor sira, infraestrutura, biblioteka para sira bele haburas rai ne’e”. nia tenik

Francisco Guterres akresenta, atu hadia povu nia moris, presiza hametin estadu demokratiku hodi haree desenvolvimentu ne’ebe sustentavel no diak liu tan

“Antes atu moris diak liu tan, ita presiza hametin diak liu tan ita nia estadu democrasia no desenvolvimentu ne’ebe sustentavel, estadu ne’ebe ema balun konfundi fali sira nia an katak sira mak estadu eleitu sira mak komanda estadu nian laos ona tempu, estadu ne’e ketak presiza tau ba hanoin, presiza tau ba kakutak povu rihun atus tolu mate ohin ita halibur fali sira ne’ebe moris”, nia sublinha

Liu husi organizasaun poder politik estadu ninian, Fretilin respeita dalan ne’ebe fo ba ukun na’in sira bele ukun rai ida ne’e, hodi hadia povu nia moris

“Ohin loron, ita nia povu barak mak sei terus no mukit nafatin maibe buat ne’ebe halo dezenvolvimentu nia laran maibe ita nia povu barak mak sei kiak no mukit nafatin, ita presiza haree ita nia juventude barak no ita nia oan sira agora eskola balun matenek, ita tenki hadia edukasaun para forma ema matenek liu tan hodi kontinua obra ukun nian ba futuru”, nia hatete

Entretantu, Iha Komisiu ne’e hetan partisipasaun maksimu husi militante sira, oberva direita husi observador nasional no internasional sira, no hetan seguransa husi PNTL no BOP.

Jornalista : Esmeralda da Silva