Fulan Jullu, MSSI Sei Halo Pagamentu Ba Estudante Benefisiáriu Hamutuk 59,813
Imajem : Ministra Solidariedade Sosial no Inklusaun Verónica das Dores, hala’o Komunikandu Imprensa iha salaun (MSSI)Kaikoli, Tersa (18/06/2024). Foto : Dircia Baptista Belo.
SAPNews TL, Díli – Fulan Jullu tinan ne’e Governu liu husi Ministeiru Solidadriedade Sosial no Inklusaun (MSSI sigla Portugués) sei apoiu fundu ba estudante benefisiariu hamutuk 59,813 iha Munisipiu 11.
Tuir Komunikandu Imprensa ne’ebe hala’o iha salaun Ministériu Solidadriedade Sosial no Inklusaun Kaikoli, MSSI Verónica das Dores hateten, Programa Bolsa da Mãe Kondisional nu’udar programa Governu nian ne’ebe kontinua implementa komesa husi 2008, bazeia ba Dekreitu Lei númeru 18/2012, de 4 de Abril.
“Ho nunue’e, MSSI sei halo pagamentu fase primeiru 2024, sei hahú iha fulan Julhu ba benefisiariu hamutuk 59,813 – benefisiariu hirak ne’e la inklui Munisipiu Dili no Viqueque”.Dehan Ministra Solidariedade Sosial no Inklusaun Verónica das Dores, liu husi Komunikandu Imprensa iha salaun (MSSI)Kaikoli, Tersa (18/06/2024)
Nia fundamenta, Dekreitu Lei ne’e hetan alterasaun iha Janeiru 2024, hodi halo mudansa ba montante orsamento ba benefisiariu sira liu husi, Dekreitu Lei númeru 1/2024, 3 de Janeiro, artigu 10 no artigu 11 ne’ebe deskreve mudansa ba montante orsamentu no akresenta liu tan kondisionalidade eskola ba benefisiariu sira, Tenik nia.
“Iha mudansa ne’e montante orsamentu ne’ebe sei atribui ba estudante sira mak hanesan, Ensino Primaria $ 8.00, Ensino Pre-Sekundaria $ 9.00, Ensino Sekundario$ 10.00, Labarik ho defisiénsia sei hetan tan adisional $ 5.00. Entaun ohin, 18 de Junhu 2024, MSSI sei aprova lista benefisiariu ne’ebe elejivel ba pagamentu faze primeiru, no informa mós konaba prosesu hotu relasiona ho pagamentu, Bolsa da Mãe Kondisional tinan 2024”.
Ministra Verónica afirma tuir estimasaun montante orsamentu ne’ebe MSSI aloka ba Bolsa da Mãe Kondisional mak $ 6,642,777, dolar amerikanu, nune’e total benefisiariu ne’ebe elijivel ba 2024 Munisipiu hotu-hotu sei hetan 69,571 benefisiarius, ho montante orsamentu $ 7,066,596.
Enkuantu, orsametu ne’ebe sei aloka ba eskola benifisiáriu sira husi, Eskola Primaria, hamutuk 43,211 $ 4,148,256, Pre-Sekundario 20,405 $ 2,203,740, Sekundario 5,955 $ 714,600, Ho tetu orsamentu ne’ebe MSSI iha ba 2024, signifika MSSI sei presiza tan Orsamentu $ 423,819 hodi kobre hotu benefisiariu ne’ebe identifika ona ba 2024
“Governu tau ona iha planu, Munisipiu Dili no Viqueque sei tama iha pagamentu fase segundu, depois fulan Julhu 2024, entaun semana ne’e nia laran lista benefisiariu sira, sei manda ba Banku Nasional Comersiu de Timor-Leste (BNCTL sigla Portugués) hodi hala’o prosesu loke konta bankaria foun ba benefisiariu sira hotu, hafoin BNCTL manda fali mai MSSI konta bankaria foun hosi benefisiarius hotu ne’ebe loke ona”.
Governante ne’e esklarese, ba familia no benefisiariu sira se iha fulan Julhu ne’e mak naran laiha no laiha, no seidauk simu, bele hato’o reklamasaun mai MSSI, tanba MSSI sei prosesu fase segundu ba pagamentu, Bolsa da Mãe Kondisional, sei hahú depois fulan Julhu 2024.
Entretantu, tuir Diresaun Geral Servisu Coorporativus no Dirasaun Nasional Finansas MSSI sei prepara no koordena servisu hotu hodi garante orsamentu transfere no tama ona ba konta BNCTL. Tuir Kalendariu pagamentu ba benefisiariu estudante eskola, Primaria, Pre-Sekundario, Sekundariu no difisiensia sira sei hala’o iha loron 19-20/06/ 2024 tuir idak-idak nia Munisipiu.
Jornalista : Dircia Baptista Belo & Juvita Guterres