![Fulan Novembru, FESTIL Sei Realiza Kampionatu Nasionál Ba Arte Marsial 6 Fulan Novembru, FESTIL Sei Realiza Kampionatu Nasionál Ba Arte Marsial 6](https://sapnewstl.com/wp-content/uploads/2023/09/IMG-20230916-WA0001.jpg)
Fulan Novembru, FESTIL Sei Realiza Kampionatu Nasionál Ba Arte Marsial 6
SAPNewsTL, Dili: Federasaun Silat Timor-Leste (FESTIL) sei realiza kampionatu nasional ba organizasaun arte marsial neen iha fulan novembru tinan ne’e tanba federasaun hakarak prepara atleta ba kompetisaun internasional iha futuru.
“Ami husi FESTIL sei realiza kampionatu nasional entre organizasaun arte marsial neen sai membru rasik ba FESTIL, iha fulan novembru tinan ne’e tanba orsamentu iha tiha ona no iha KRAM hein manda mai FESTIL, ami nia kampionatu nasional rasik sei partisipa husi atleta organizasaun sira mai husi munisipiu hotu maibe ne’e sei informasaun preleminariu deit”, dehan Prezidente FESTIL Hermenegildo Custodio da Silva ba jornalista sira iha Aimutin, Dili sexta (15/09/2023).
Prezidente hatutan, sira nia kampionatu nasional ne’e governu liu husi Ministériu Juventude Desportu Arte Kultura sigla portuges (MJDAC) liu husi tan KRAM mos aseita ho 100% tanba sira hakarak lori FESTIL ba oin, orsamentu iha ona maibe sira atu aloka hira ne’e seidauk bele fo sai bainhira kampionatu nasional la’o mak mak komisaun sei fo sai ba públiku.
Hermenegildo afirma tan, sira hakarak realiza kampionatu nasional ne’e tanba sira tau planu iha tinan oin partisipa Sea Games iha Tailandia no sira sei husu organizasaun hamahan an iha FESTIL atu prepara atleta sira
Nia relata tan katak, Iha pasadu FESTIL lori atleta Timor-Leste partisipa eventu internasional barak ona nune’e iha Vietnam iha 2010 atleta hetan medalla osan metan rua, iha Tailandia iha 2011 no 2015 iha singapura.
Entretantu, organizasaun arte marsial ne’e hamahan an iha FESTIL maka PSHT, IKS PTL, KORK, seruling Dewata ho Persai Diri.
Reportajen: Augusto dos Santos