Garante Rekrumentu Ne’ebé Lolos ! SEFOPE Ho Parseiru Sira Lansa Manual PALM
Imajem : SEFOPE hamutuk ho parseiru sira lansa manual PALM iha Timor Plaza Dili,22/11/2024
SAPNews TL,Díli — Sekretáriu Estadu Formasaun Profesionàl no Empregu (SEFOPE) Rogerio de Araujo Mandonça hamutuk ho Adjuntu Xefi Misaun Australia iha Timor-Leste Edward Wilkinson, lansa mata-dalan operasional, kona-ba Pacific Austrália Labour Mobility (PALM) tuir Standar Operasionál Prosedur (SOP) ba programa mobilidade laboral Austrália nian.
Objetivu hosi PALM ne’e hodi fasilita SEFOPE nia Diresaun Nasionál Empregu Estranjeiru (DNEE) hodi sai mata-dalan no garante rekrutamentu la’o ho diak no Prevene inkonveniente iha prosesu hotu.
Sekretáriu Estadu Formasaun Profesionàl no Empregu Rogerio de Araujo Mandonça hateten, serimónia lansamentu manual ne’e, hetan apoiu husi Programa Dezenvolvimentu Forsa Traballu Timor-Leste (TL) iha tinan 2017 no 2019, ne’ebe hetan revizaun husi Pacific Labor Facility (PLF) iha tinan 2023 hodi responde ba mudansa sira iha programa PALM.
“Lansamentu ba operasaun manual ba programa eskema mobilidade laboral eskema nian, tanba SEFOPE serbisu hamutuk ho Misaun Austrália iha TL atu garante katak rekrutamentu la’o ho di’ak no prevene inkonveniente ne‘ebe akontese to’o agora, nune’e manual ne’e bele sai mata-dalan ba DNEE hodi halo rekrumentu ho lolos” Dehan SEFOPE Rogerio de Araujo Mandonça ba Jornalista, iha Salaun Suai Room, (22/11/2024).
Sekretáriu Estadu SEFOPE salienta, manual ida ne’e hanesan símbolu ida oinsa Timor Leste hili atu partisipa liu husi dalan ne’ebe perkore esperensia justu ho maneira inkluzaun, nune’e bele halo desizaun soberania hodi partisipa iha eskema Eskema Mobilidade Laboral Pasífiku (PALM).
“Lansamentu manual operasaun aprezentaria intergradu ho kualidade husi forsa trabalhu parseria Timor-Leste, no Governo Austrália, atu reforsa TL nia esperiénsia, maneira inkluzaun programa PALM, inklui loke oportunidade ba Timor oan liu husi representante Governu Australia iha TL
Nia hatutan, Governu Australia liu-husi nia Embaixador iha Timor-Leste agradese tebes ba trabalador Timoroan sira ne’ebe oras ne’e serbisu iha nasaun Austrália, tamba bele hariku kultura komunidade iha Australia tomak.
Entretantu, serimónia lansamentu ne’e partisipa husi Sekretáriu Estadu SEFOPE Rogerio de Araujo Mandonça, Adjuntu Xefi Misaun Australia iha Timor-Leste Edward Wilkinson, no reprezentante SEFOPE iha nivel Munisípiu.
Jornalista : Eleonora Fatima Dos Santos