Greater Sunrise ! Seida’uk Serteza Entre Ba Darwin Ka Timor-Leste
SAPNewsTL, DILI : Representante Espesial Greater Sunrise Australia Steven Barcks sorumutu ho Primeiru Ministru Kay Rala Xanana Gusmão hodi atualiza koseitu estudu no progresu dezenvolvimentu Greater Sunrise
Representante espesial Greater Sunrise Australia haktuir katak sorumutu ohin nian sira koalia liu kona-ba dezenvolvimentu Grater Sunrise no nia konseitu estudu ne’ebe mak la’o daudaun.
“Enkontru diak tebes ho Primeru ministru hodi ko’alia kona-ba progresu dezenvolvimentu Greater Sunrise nian, koalia konseitu estudu ne’ebe agora dadauk lao ona. espera ida ne’e sei iha progresu diak liu tan kontinua ba oin”.Dehan Reprezentante especial Greater Sunrise Australia Steven Barcks ba jornalista sira iha palasiu do Governu,Segunda-feira(11/12/2023)
Nia salienta katak Australia iha komintementu no komprometidu ba projeitu Greater Sunrise hodi la’o ba oin.
“Hanesan reprezentante especial ba Greater Sunrise Australia nian, fiar katak Australia iha komitmentu no komprometidu ba projetu ida ne’e hodi lao ba oin, aleinde ne’e haree mos kona-ba estudu viabilidade komersiu no ekonomiku nian, portantu iha fulan junhu tinan 2024 ita iha ona desizaun husi negosisaun ida ne’e”.Haktuir Nia
Enkuantu, nia dehan katak Kompainha sira deside ona atu halo estudu viabilidade ba dezenvolvimentu Greater Sunrise nian, iha ne’ebe sei hare’e liu ba maneira ekonomiku ne’ebe mak diak liu bainhira atu dezenvole iha Timor ka iha Darwin.
Jornalista : Genoveva Sarmento