Hafoin Simu Posse ! Xefi Suku Manlala Fo Agradese Ba Konfiansa
SAPNewsTL, Manatuto – Hafoin hala’o serimónia proklamasaun Independénsia ba dala 48, Diretor Geral Terras Propriedades, Lucas da Costa, fo tomada de posse ba sefi suku nain Lima (5) ho estrutura tomak, iha postu administrativu Soibada munisipiu Manatutu.
Momentu ida ne’e laos deit simu pose hodi hahu mandatu ne’ebe ohin simu ona, maibé hatudu komprimisiu ida ne’ebe hatur hikas fali prinsipiu fundamental ne’ebe sai hanesan reinu ba rezime demokratika ho objetivu estratejiku ne’ebe hatur ona husi governu hodi promove dezenvolvimentu nasional.
“Ita labele tau ses importansia husi lider komunitariu sira iha ita nia nasaun, ba imi ne’ebe hetan ona konfiansa husi komunidade sira, imi tenki hala’o kna’ar ho persepsaun hodi hari’i sosiedade, justu, inklusivu no prosperu liu husi lideransa governu nian hodi hatudu dalan ba sidadaun sira ne’ebe pertense ba imi nia suku”, Hateten Diretor Geral Teras Propriadade Lucas da Costa iha nia intervensaun, iha salaun postu administrativu Soibada,Tersa (28/11/2023).
Iha diskursu, Diretor Geral Teras Propriadade Lucas da Costa, trasmite mensajen, Primeiru Ministeiru, Kay Rala Xanana Gusmão nian hodi dehan, ho onra no esperansa bo’ot permite hau nia prezensa hodi prezide serimonia tomada de posse ba lider komunitariu sira ne’ebe hetan ona konfiansa husi povu iha loron 28 outubru.
“Iha ita nia demokrasia lider komunitariu sira mak hala’o funsaun intermendiáriu ne’ebe esensial entre saida mak sai satisfasaun ba komunidade lokal sira hakarak atu hetan, inklui instituisaun governu atu bele hala’o. bainhira imi hala’o dialogu hato’o nesessidade hirak husi komunidade no promove partisipasaun sivika iha ambitu komunidade lokal nian, mak imi reforsa ona aliserese hodi hari ita nia demokrasia”. Nia sublinha
Iha oportunidade hanesan sefi suku, Manlala Vericimo do Rossario da Costa, ba SAPNews hateten, nia parte lori konselho suku, nia naran hato’o agradese profunda ba komunidade suku Manlala ne’ebe fo ona konfiansa ba nia hodi lidera suku durante periodu 2023-2030
“Ha’u hakarak hato’o liafuan agradesementu ne’ebe profunda ba komunidade sira liu komunidade suku Manlala, tanba durante hahu prosesu primeiru votasaun demokratiku ne’ebe hala’o iha loron 28 fulan outubru lao diak tebes prosesu ida ne’e nu’udár kompetisaun ida ne’ebe hahu husi primeiru votasaun hodi hakat ba votasaun daruak” Tenik nia.
Maske hasoru dezafiu oioin, maibe agradese tebes ba komunidade sira ne’ebe depozita ona konfiansa ba nia hanesan jerasaun foun ida hodi asume responsabilidade hanesan sefi do suku Manlala durante periodu tinan naruk.
“Ami senti orgulhu tanba tinan ida ne’e diferente ho tinan kotuk, representante governu sentral mai hamutuk ho komunidade sira iha area remotas hodi selebra loron proklamasaun Independénsia hodi relembra historia heroi nian luta ba ukun rasik an ne’ebe hakerek ona iha tinan 1975, aumesmu tempu representante governu sentral fo tomada de posse mai ami”
Lideransa Komunitária ne’e rekomenda ba Joventude sira atu labele inklina an iha aktu krimi sira, tanba joventude, mak heroi ba futuru, joven mak Timor-Leste nia lideransa, joven mak ai-rin ba nasaun, hodi hatutan funu nain sira nia luta, kontra kolonialismu Foinsa’e mak inspirador ba futuru, Foinsa’e labele kria instabilidade, maibe koko aprende hodi partisipa iha prosesu dezenvolvimentu.
Hanesan jerasaun foun presija pasensia hodi enkoraja joventude sira atu partisipa iha prosesu dezenvolvimentu ne’ebe lao iha nasaun, tanba dever lideransa hanesan pessoa koletivu ida husi direitu publiku ho natureza asosiativa ida ne’ebe fo kontribuisaun ba koezaun husi membru komunidade no ba uniaun nasional atu garantia paz no armonia sosial husi komunidade
Entertantu, iha serimonia ne’e Diretor Geral (DG) Terras Propriedades Lucas da Costa, fo toma posse ba sefi suku Manlala, Leohat, Samoro, Fatumakerek no Manufahi, sefi aldeia nain (10) delegado/delegada nain (20) husi suku lima sefi joventude nain lima (5) no katuas lia nain suku lima (5).
Iha ambitu ne’e partisipa husi, DG Terras Propriadades ho komitiva Administratrador Postu, Komandante PNTL Soibada, padre paroquia, sefi saude, funsionario no komunidade sira.
Jornalista : Guilhermino Ramos da Cruz