Maske Hela Dook ! Komunidade Soibada Entuziasmu Partisipa Iha Serimónia 28 Novembru
SAPNewsTL, Manatuto – Iha ambitú komemorasaun Proklamasaun Independénsia ba dala 48⁰, iha postu administrativu Soibada munisipiu Manatuto, komunidade sira antusiasmu hodi partisipa masimu iha serimonia isar bandeira nasional Repúblika Demokrátika de Timor-Leste (RDTL).
Tuir sefi suku Leohat, Luis Neto da Cruz, hateten, Komunidade sira iha postu administrativu Soibada, antusiasmu hodi partisipa masimu iha serimonia isar bandeira loron proklamasaun Independensia 28 novembru 1975-2023, sira reflete duni ba pasadu ne’ebe Indonesia invade Timor-Leste.
“Ohin ita hare katak komunidade sira ne’ebe kompostu husi suku lima ne’ebe eziste iha postu administrativu, Soibada munisipiu Manatuto maske hela dok husi administrasaun postu ka fatin isar bandeira maibe sira antuniasmu los hodi mai partisipa iha serimonia isar bandeira ba loron proklamasaun Independénsia ba dala 48”.Dehan Xefi suku interino Leohat Luis Neto da Cruz, ba SAPNews hafoin simu tomada de posse, iha salaun administrasaun postu, Tersa (28/11/2023)
Lider komunitariu ne’e hatutan ohin nu’udar loron historiku ne’ebe hatudu ba mundu hodi konkista proklamasaun Independénsia Timor-Leste ida unilateralmente, ohin loron sidadaun Timor oan ne’ebe goja direitu demokratiku ida ne’ebe heroi sira husik hela mai jerasaun kontinuador, hodi hametin espiritu nasionalismu.
Enkuantu, tuir historia ne’ebe haktuir katak Frente Revolucionaria de Timor-Leste Independente – (FRETILIN), hahu moris iha loron 11 fulan setembro tinan 1974 hanesan asosiasaun demokrata ida ne’ebe mai ho karater frenti libertasaun nasional ida atu lidera funu nain sira, hodi defende povu Timor-Leste nia luta ba ukun rasik an, Iha fulan Novembru tinan-1975 nia laran, Komite Central FRETILIN deside atu halo teritoriu kolonial ida ne’ebé mak abandonadu sai asetadu Independente.
Ba ida ne’e duni mak iha loron-28 fulan-Novembru tinan-1975 FRETILIN mosu nu’udár organizasaun ida ne’ebe reuni forsa nasionalista no anti kolonialista sira iha Timor-Leste, ho objetivu komun ida liberta povu no liberta patria, hodi defini Timor-Leste ida livre prosperu no indepedente.
FRETILIN harii nu’udár resposta ba neseidade atu hamosu organizasaun ida ho karaterístika movimentu ka frente Libertasaun Nasional ida, ne’ebé lori responsabilidade boot atu lidera no lori povu Timor-Leste luta ba Ukun Rasik An no atu defende povu no País nia vida hasoru ameasa invazaun husi rejime Indonesia. Nune’e, FRETILIN, mosu nu’udár movimentu nasionalista dahuluk iha Timor-Leste iha ámbitu no dezenvolvimentu polítika iha tinan-1974.
Entertantu, Iha selebrasaun ne’e partisipa husi Administratrador postu, Komandante eskuadra ho membru PNTL sira, aktual sefi suku sira, sefi aldeia, konselho suku eleitu, diretor eskola ho professor sira, veteranu,veterana sefi saude ho pessoal saude, funsionario publiku, katuas lia nain, suku lima, estudante, no komunidade postu administrativu Soibada munisipiu Manatuto.
Jornalista : Guilhermino Ramos da Cruz