Hafoin Vizita Ázia Pasífika, Papa Francisco Fila Hikas Ba Vatikanu
Imajem : Santu Padre Papa Francisco iha Aeroportu Internasional Changi, Singapura,13/09/2024. Foto : Vatican News
SAPNewsTL, Singapura – Hafoin vizita Ázia no Oseania, ohin Santu Padre Papa Francisco aranka ona ho aviaun Singapure Airlines iha Aeroportu Internasionál Changi hodi fila hikas ba Vatikanu.
Hafoin hala’o despedida ikus iha Aeroportu Internasionál Changi, Santu Padre Papa Francisco, ho aviaun Singapure Airlines hodi fila hikas ba Vatikanu tanba kompleta ninia vizita apostólika iha ázia pasífika no oseania.
Sua Santidade Papa Francisco hamutuk ho ekipa komitiva tomak sai husi Singapura ho aviaun Singapure Airlines iha oras 13:30 loraik, oras Timor-Leste.
Enkuantu, Santu Padre Papa Francisco sai husi Vatikanu iha loron 2 fulan Setembru, vizita Indonésia iha loron 3-6 fulan Setembru, Vizita Papua Nova Guiné iha loron 6-9 fulan Setembru, Vizita Timor-Leste iha loron 9-11, no vizita Singapura iha loron 11-13 fulan Setembru.
Vizita Papa Francisco iha ázia pasífika durante loron sanulu resin-rua (12) ne’e konsege la’o ho diak no susesu tebes. Boa Viagem Santu Padre Papa Francisco. Maromak fo bensaun. Obrigadu barak bele vizita ona Timor-Leste.
Jornalista : Conzita Mota & Marciana Da Conceição