HAK-AJAR : Sosa Pajero Injustisa Ba Povu, Vítima Inundasaun 4 Abril Halerik

SAPNewsTL, Dili : Relasiona ho Polítika Parlamentu Nasionál hodi Sosa Pajero Sport 30 no Laptop 65 ba Deputadu sira, Liu Husi Komunikadu Imprensa, Assosisaun HAK, AJAR, Estudante Ativista Direitus Umanus AJAR konsidera injustisa sosial no harahun tiha fator luta koletiva tanba ne’e sira la konkorta

“Ami deskorda total ho politika ne’e nu’udar manifestu ida hodi luta kontra politika esplorasaun no obskurantismu ne’ebe sei lori injustisa sosial no harahun tiha fator luta koletivu ne‘ebe uluk ita hotu hahi no adora”. Dehan Porta Voz Gaspar Tali-Besi ba Jornalista iha Salaun Assosisaun HAK Kuarta ne’e (05/10/22).

Porta Voz ne’e mos husu ba Presidente Repúblika hodi veta lei ba kareta hodi muda ba setor vital sira seluk, enkuantu nia mos husu ba Parlamentu Nasionál hodi trava polítika sosa ba Deputadu sira tanba la oportunu

“Husu ba Prezidente da Republika atu veta lei orsamentu ne’e hodi muda fali ba setor importante sira ne’ebe benefisia ba povu kiik sira hanesan Setor Bee moos, Saude, Edukasaun, Seguransa no Agrikultura, inkluindu  Vitima inundasaun 4 abril ne’ebe mak to’o ohin loron seidauk hetan rekoperasaun husi Estadu”. Nia Husu

Entretantu, Assosiasaun ne’e Alerta ba povu tomak atu labele hili tan Partidu ka Deputadu sira ne’ebe mak aprova osan milaun ida hodi sosa kareta ho marka Pajero Sport ba sira nain 30 hodi kompleta kareta 65, Husu ba entidade hotu atu izize hodi hapara aktu ida ne’e tamba sei hamosu deit politika esbanzamentu no halo tusan ba jerasaun iha futuru;

“Ami Konsidera politika ne’e nu’udar leilaun ba povu nia osan, Ami sente la kontente ho desizaun parlamentu nian, kontrário iha situasaun krizi mundial hodi afeta ba ita nia rai laran iha hela problema boot ba kestaun sira seluk hanesan bee mos , edukasaun , saude ,no setor defesa seguransa,   no parlamento sira ignora tiha problema sira nee i tau prioridades liu ba sosa kareta foun hamutuk 30 husi orasamento jeral Estado 2023  ho 1$ miliaun ida”. Tenik Diretor AJAR  Inosensio Xavier

Entretantu, AJAR konsidera sosa Pajero la’os urjente,  urjente ne’e mak ai-moruk ba hosiptal referal sira liuliu iha Baukau no Dili laran kuaze stock out ne’ebe menus, nune’e devia Parlamentu tenki halo exersisiu ida hodi fo melloriamento ba Setor Saúde Públiku nune’e bele garante prestasaun servisu diak ba populasaun sira

Enkuantu, nia sublinha Deputadu sira representa povo atu lori bee mos ba povu, naroman ba povu, justisa besik liu ba povu, laos atu hamosu fali injustisa sosial ida depois sira hanaran aan dehan representa povu

Jornalista : Antonio Tilman & Esmeralda Da Silva

Editor       : Ekipa Editorial