Hasa’e Kunhesimentu ! UNITAL Fasilita Estudante Prátika Iha Kampu

Imajem : Dosente UNITAL Justino Jeronimo Soares ko’alia ho Jornalista SAPNews iha Cristo Rei, Domingu 15/06/2025.

SAPNewsTL, Díli : Estudante Universidade Orientál Timor Lorosa’e (UNITAL), Departamentu Geolojia hala’o peskiza kampu ba materia minerelogia hodi kompleta materia semester dahuluk no hasa’e kunhesimentu estudante sira-nian.

Marciana Da Conceição Jurnalis – SAP News TL

Dosente UNITAL Justino Jeronimo Soares akresenta, objetivu lori estudante sira tun ba kampu hodi aumenta sira nia koñesimentu no kapasidade kona-ba fatuk no mineral ne’ebe eziste iha Cristo Rei.

“Objetivu pratika ida ne’e hanesan rekezitu ida atu kompleta materia minerelogia iha semester I, lori sira mai iha ne’e atu koñese oituan fatuk no mineral sira ne’ebe maka eziste iha Cristo Rei hodi kompleta sira nia koñesimentu no kapasidade, wainhira lori rezultadu ida ne’e ba iha laboratorium hodi analiza no hatene detallu saida maka minerelogia”. Dehan Dosente UNITAL Justino Jeronimo Soares ba SAPNews iha Cristo Rei, Domingu 15/06/2025.

Justino Jeronimo informa, iha pratika kampu refere estudante sira aprende oinsa halo deskrisaun mineral, hatene fatuk no mineral ne’ebe iha valor ekonomiku hafoin lori ba laboratorium hodi detekta.

“Iha pratika ida ne’e, sira aprende no hatene oinsa halo deskrisaun mineral, hatene mineral no fatuk ida ne’ebe iha valor ekonomiku depois sira mos sei lori amostra ne’e ba laboratorium hodi detekta mineral hira mak iha fatuk ida nia laran”.

Nia salienta, iha teoria estudante sira aprende ona hafoin lori sira tun ba kampu hodi pratika no halo analiza oinsa hatene saida maka mineral no fatuk nia valor ekonomiku iha futuru mai ne’e oinsa.

“Iha parte prosesu aprendizajen sira aprende ona liu hosi dosente sira, fasilita ona siensia ba sira no fim lori sira mai iha ne’e atu analiza no pratika, atu hatene diak liu tan saida maka mineral, saida maka fatuk no mineral nia funsaun atu halo saida no nia valor ekonomiku ba fururu ne’e oinsa”.

Nia afirma, estudante Universidade Orientál Timor Lorosa’e (UNITAL) liu-liu departamentu Geolojia sei perkore territóriu Timor hodi buka forma saida deit mak eziste hodi identifika fatuk no mirenais nia diferensa.

“Naturalmente, estudante husi departamentu Geolojia UNITAL sira sei perkora territóriu Timor hodi buka tuir forma saida deit mak eziste hodi identifika fatuk no mirenais nia diferensa”.

Nia hatutan, “Ita nia rekursus minerais ka rekursu geologiku ne’e importante loos tanba tuir ita nia lei inan iha artigu 39° ne’ebe ko’alia kona-ba rekursu, rekursu mineirus mak importante atu salva ita nia nasaun ida ne’e, ba estudante sira ne’ebe laos iha area Geolojia diak liu mai hakbesik ba area Geolijia hodi hatene saida maka fatuk, mineral no buat hotu ne’ebe maka ejiste iha mundu iha ne’e”.

Imajem : Estudante UNITAL iha Cristo Rei

Iha fatin hanesan, estudante UNITAL Carmindo de Jezus Gonçalves hateten, nia parte sente kontente bele tuir pratika kampu hodi aumenta nia kapasidade no koñesimentu iha area Geolojia nian.

“Ha’u sente kontente bele tuir pratika ida ne’e hodi aumenta kapasidade no koñesimentu, orgullu bele aprende buat ne’ebe uluk ha’u hakarak atu aprende duni. Ohin ami aprende oinsa hakerek deskrisaun kona-ba fatuk nia naran no iha mineral saida deit. Ami mos ohin aprende oinsa idetifika fatuk metaforfika”. Nia dehan.

Nia hatutan, “Ha’u sente laiha vontade hodi (pata semangat) husik hela, maibe ha’u esforsu no prontu hasoru dejafiu hirak ne’e, ha’u fiar katak iha futuru mai ha’u bele implementa saida mak ha’u aprende iha loron ohin”.

Entretantu, estudante universitáriu hosi Universidade Orientál Timor Lorosa’e (UNITAL) depatamentu Geolojia ne’ebe hala’o peskiza kampu hamutuk nain ualu (asistente nain tolu hamutuk ho dosente.