Indonésia Apoia TL Promove Edukasaun Inkluzivu Ba Ema Hotu
SAPNewsTL, Dili: Embaixador Indonésia iha Timor-Leste halo kordenasaun ho Ministeiru Solidariedade Sosial no Inkluzaun(MSSI) no Ministeiru Edukasaun hodi fasilita Kursu lian Indonesia ba maluk Assosiasaun Halibur Defisiensia Matan Timor-Leste (AHDMTL) iha Salaun Pusat Budaya Indonesia
Tuir Vise Ministra Solidariedade Sosial no Inkluzaun (MSSI) Signi Chandrawati Verdial hateten kursu lian Indonesia ne’ebé mak fasilita husi Embaixador Indonesia ba maluk difisiénsia sira husi parte Guvernu apoiu tebes tanba haree númeru maluk difisiénsia sira ne’ebé asesu edukasaun kiik tebes.
“Iha apoiu balu husi Embaixada Indonesia liu-liu iha lingua ba ita nia maluk defisiénsia sira, husi parte governu nian através de Ministériu Solidariedade Sosial no Inkluzaun, ita apoiu teb-tebes aktividade ida ne’e tanba ita hotu hatene katak ita nia númeru maluk ba difisiénsia sira nia asesu ba edukasaun ne’e menus teb-tebes” Dehan Vise Ministra Solidariedade Sosial no Inkluzaun ba Jornalista sira iha salaun Pusat Budaya Indonesia, segunda-feira(11/07/2022)
Ministra relata tan katak atu promove edukasaun inkluzivu parte Guvernu hanesan MSSI tenke apoiu maluk difisiénsia sira hodi tuir aktividade oioin hanesan edukasaun non formal sira
“Por volta de 38 mil pessoas ne’e sira kuase 15% de’it mak asesu ba edukasaun, entaun ita hakarak promove edukasaun inkluzivu, ita hakarak promove liafuan inkluzaun sosial ida ne’e mos faz parte ida atu ita asegura katak ita nia maluk defisiénsia sira asesu ba aktividade oi-oin, liliu ba aktividade inportante mak edukasaun”. Tenik nia
Iha fatin hanesan Embaixador Indonesia Okto Dorinus Manik haktuir, foin primeira vez sira fasilita Kursu lian Indonésia ba iha ema ho difisiénsia sira no tuir mai sira sei halo kooperasaun di’ak ho Guvernu atu nune’e difisiénsia sira seluk bele asesu hotu
“Pagi ini kami mengajar pelatihan bahasa Indonesia bagi teman-teman berkebutuhan kusus ini tunanetra, ini kegiatan pertama kami untuk menfasilitasi saudara-saudara kami yang berkebutuhan kusus, mereka akan mendapat pelatihan sekitar tiga bulan, selanjutnya kami sudah kordinasi dengan Kementrian Pendidikan Timor Leste untuk mereka mendapat paket C, paket C ini bisa melanjutkan kuliah, jadi kami akan kerjasama degan teman-teman kami di Nusa Tengara akan berikan ujiang untuk paket C”. Nia Sublina
Entretantu, embaixador ne’e akresenta Timor-Leste ho Indonésia sei promove edukasaun inkluzivu hodi fornese oportunidade ba ema hotu atu bele hasa’e númeru asesu ba edukasaun
“Timor Leste sama Indonesia inklusif artinya semua orang kita memberi kesempatan untuk mendapat pendidikan jadi semua orang harus mendapat pendidikan tadi ibu mentri sudah sampaikan sementara ini di ruangan ada 15% jadi kita harus tinkatkan jadi semua orang dan siapa saja mendapat kesempatan dapat pendidikan,dan ini baru pertama kita evaluasi lagi mana yang kurang kita perbaiki, jadi belum tidak kita sudah perbuat sesuatu saudara-saudara kita disini” Hakotu nia
Jornalista : Marcela Mery da Costa
Editor : Marcela Mesquita Lemos