“Jesus” Fo Obrigadu Ba Papa Leão XIV

Imajem : Jonathan Roumie “Jesus” hasai foto hamutuk ho Papa Leão XIV iha Vaticano

SAPNewsTL, Vaticano : Elenku hosi “The Chosen”, inklui Jonathan Roumie ne’ebé interpreta ba “Jesus Kristu”, iha onra hasoru Sua Santidade Papa Leão XIV iha Vatikanu.

Hafoin audiênsia, Jonathan publika nia foto sira iha Instagram kona-ba enkontru ho Papa Leão XIV, Nia fo obrigadu ba Papa tanba bele fo tempu hodi hasoru no fahe hanoin importante sira.

“Obrigado, Papa Leo tanba uza tempu hodi hasoru no fahe ho ami, obrigadu ba ita-boot nia laran-di’ak, karidade no oin ne’ebé midar. Dame no Espíritu Na’i nian iha Ita-boot nia leten no ami hotu hetan bensaun atu simu Ninia Dame liuhosi Ita-boot,” Jonathan hakerek iha ninia legenda. Sita GMA News.

Imajem : Papa Leão XIV & Jonathan Roumie

Durante Audiénsia Jerál iha Basílica São Pedro, Papa Leão XIV fo bensa ba Jonathan Roumie (Autor Filme Jesus) ho família sira ne’ebe marka mós presensa iha audiência jeral ne’e.

Jonathan produz filme kona-ba Jesus Kristu tuir evanjellu atinji ona telespetadór liu millaun 280 iha mundu tomak.

Protagonista Jonathan Roumie (jonathanroumieofficial), ne’ebé interpreta Jesus ne’e fó prezente ida ba Santu Padre Leão XIV no espresa nia agradesimentu kle’an ba oportunidade extraordináriu refere.

Jonathan Roumie (autor filme Jesus) destaka mós nia hanoin oinsá papél hametin fiar no transforma nia moris ida ba ksolok no laran metin iha Maromak.

Entre fiar na’in no peregrinu rihun ba rihun nia leet, Jonathan Roumie akompaña mos husi nia feen Regina no brazileiru sira inklui ema foun kaben-na’in sirasira simu bensaun direta hosi Pontífice Romano.