Kauza Husi Sirkuitu Elétrica, Ahi Han Uma Komunidade Iha Ermera

SAPNewsTL, Ermera: Ahi han uma komunidade ida maiz ou menuz tuku 04:05 madrugada, akontesimentu ne’e mosu iha iha Aldeia Bugasa, Suku Tali Moro, Postu Administrativu Ermera, Munisípiu Ermera tanba kauza husi sirkuitu elétrika (Fiu Soke Malu)

Tuir intervista liu husi via telefone ho bombeirus ne’ebe tun direita hodi halo intervensaun iha fatin akontesimentu, Motorista Joanico Angelino Sores insidente ne’e mosu tanba kauza husi sirkuitu elétrika (Fiu Soke Malu)

Motorista Bombeiros ne’e hatutan, hafoin ahi han uma liu tiha minutu balun hetan kedas kontaktu entaun ekipa bombeiros to’o kedas iha fatin akontesimentu hodi hamate ahi no salva uma sira seluk ne’ebé haleu uma refere

Joanico akresenta, família vítima agora daudaun deskansa hela iha vizinu nia uma tanba sira nia uma hetan estragus, maibe ho presenza parte bombeiros nian konsege salva sasan sira uma laran no dokumentus importante sira

Intervensaun parte bombeiros iha terenu konsege hamate ahi no salva uma komunidade sira seluk ne’ebé haleu uma ne’ebe ahi han

Tuir Informasaun ne’ebé SAP News TL asesu katak ho insidente ne’e la rezulta ema ida hetan kanek maibe uma mak hetan estragus