Khunto-PD : Investe Iha Bolsa Estudu Importante Ba TL
Imajen Intervensaun Deputadu Bankada Khunto Antonio Verdial da Sousa. Foto : Media Parlamentu Nasional
SAPNewsTL, Dili- Liu husi Plenaria Parlamentu Nasional, Deputadu Bankada Khunto Antonio Verdial da Sousa husu governu tenki preve orsamentu ba estudante sira iha rai liur no Rai laran, Enkuantu Deputadu Adriano fundamenta programa bolsa estudu importante ba desenvolvimentu nasaun nian iha futuru
“Ita prezisa preve orsamentu ne’e ba estudante Timor oan sira ne’ebe maka eskola iha rai liur no rai laran, komisaun kanaliza ba Ministeriu Ensino Superior Siensia no Kultura, no Fundu Dezenvolvimentu Kapital humanu tenki buka mekanismu no estrategia oinsa atende ita nia oan sira, nune’e sira labele halerik tan mai Uma Fukun Parlamento Nasional”. Dehan nia ba iha jornalista sira iha plenaria uma fukun parlamento nacional Qurta feira(16/11)
iha fatin hanesan, Deputadu Bankada Demokratiku Adriano do Nacimento konsidera programa bolsa estudu importante tanba bele resolve problema rekursu humanu iha Timor Leste
“Programa forma ema sai ema liu husi bolsu estudu mos importante liu ba nasaun ida ne’e, tanba ita nia fokus ida agora ne’e ita atu rezolve problema rekursu humanu, bolsu estudu ne’e preoridade mais prioridade, ita tenki matenek duni se laiha matenek, ita nia nasaun ne’e dezenvolve oinsa”. Tenik Adriano
Imajen Deputadu Adriano do Nacimento
Entretantu, Deputadu Adriano hatutan, Agensia halo akreditasaun nu’udar reflesaun diak ida kona-ba problema ne’ebe iha, Mestre ne’ebe hanorin iha Eskola Primaria, Ensinu Baziku no Ensinu Sekundaria inklui universidade, hafoin tuir fali formasaun iha sentru formasaun
“Hanorin iha SD, SMP, SMa no mos hanorin iha universidade depois mai iha sentru formasaun, buat ruma sala iha ne’e, laos ita nia ema ne’e laiha kapasidade maibe problema atu transfere nia matenek iha hakerek hodi hatan buat sira ne’e mak difikulta karik laos agensia ne’e mak sala laos mos universidade mak sala maibe buat ruma sala ho ita nia sistema edukasaun, no Lian ofisial”. Sublinha nia
Adriano husu tenki esforsu atu halo investimento iha parte formasaun sira, labele fo sala universitariu sira, labele fo sala ba graduado sira tanba sira balun laiha kbit atu eskola iha ne’e, sira tenki ba rai liur hodi estuda diak liu tan atu nune’e bele mai kompete no dezenvolve nasaun ida ne’e
Enkuantu, tuir informasaun ne’ebe SAP News asesu iha debate espesialidade OJE 2023, Orsamentu ba Fundo de Desenvolvimento Capital Humano (FDCH) ho montante hamutuk $17,748,526, orsamentu refere sei finansia ba programa formasaun profisional, pormasaun teknika, bolsa estudu no boa governasaun no jestaun institusional
Jornalista : Ermelinda Soares
Editor : Ekipa Editorial