Komemora Loron Mundial Anti Korupsaun, Hamihis Interese Grupu Haklot Dalan Ba Korupsaun

Imajen Komisariu KAK Sergio Hornay hamutuk ho konvidadu de onra sira, iha Salaun CNE, 06/12/2022. Foto : Juvita Sarmento

SAPNewsTL, Dili : Komemorasaun Loron Mundiál Anti Korupsaun monu iha loron 09 Fulan Dezembru kada tinan, Iha tinan ne’e Timor Leste komemora ho tema “Promove partisipasaun públiku hodi promove no kombate korupsaun”, Tuir Diretor Komisaun Anti Korupsaun (CAC sigla Portuges) haktuir objetivu husi komemorasaun ne’e atu hafanun nafatin sentimentu ho seriedade no mós komitmemtu publiku nian hodi prevene no kombate korupsaun iha Rai Doben Timor Leste.

“Objetivu husi komemorasaun ne’e atu hafanun nafatin sentimentu ho seriedade no mós komitmemtu publiku nian hodi prevene no kombate korupsaun iha Rai Doben Timor Leste, ita hotu fo hanoin ba malu atu nafatin luta no hakribi korupsaun, hodi asegura interese prospersidade Nasaun ida ne’e”. Tenik Komisariu CAC Sergio Hornay ba Jornalista sira iha Salaun CNE, tersa-feira orseik, 06/12/2022

Komisariu CAC Sergio Hornay

Komisariu CAC Sergio Hornai hatutan Promove partisipasaun publiku hodi kombate krime korupsaun liu husi orgaun investigasaun kriminal hanesan Polisia sientifika investigasaun kriminal ho objetivu ida atu promove hodi haklot ema sira ne’ebe tenta atu penetra iha institiuisaun publika estadu ninian

“Ha;u nia preokupasaun boot importancia Komisaum Anti Korupsaun liu husi CEPAD no GOPAC iha Reunian sira, Aleinde konsolidasaun iha asaun sira atu ita bele desmantelamentu iha pratika sira, uza sistema ka instituisaun ida ne’ebe nia iha ba interese publiku hodi hases tiha interese grupu tantu privadu, tanba Komisaun Anti Korupsaun mai ho nia visaun ida ne’ebe boot oinsa atu hametin estadu demokratika ida ne’e.”Dehan Komisariu Sergio.

Imajen Intervista Madre Guilhermina Marcal

Entretantu, Madre Guilhemina Akresenta maske ema hotu-hotu ko’alia kona-ba korupsaun, kolusaun, nepotizmu, maibe realidade kontextu povu nian infraestrutura, edukasaun,desenvolvimentu barak la la’o

“Maneira atu hapara korupsaun ne’e mak konsencia responsabilidade moral ema ida- idak nian, katak nia prontu kaer lialos, korupsaun ne’e iha tanba ema ladun fo valores ba moris hanesan sidadaun ka ser humamu katak iha responsabilidade atu labele halo korupsaun hodi estraga moris sosiedade povu nian, ema hotu tenki luta hodi kontra hahalok koupsaun, koluzaun no nepotizmu iha ita nia rain”.Dehan Madre Gilermina Amaral

Iha fatin hanesan Estudante UNTL Alvio José Da Silva konsidera korupsaun sei nafatin eziste, desenvolvimentu kontinua hakdasak tanba povu kontinua halerik ba justisa

“Korupsaun sei nafatin existe no koruptor sei iha, nasaun Timor sei nafatin hakdasak no povu sei nafatin terus, ema kiak sira sei halerik ba justisa, Pior liu tan ita atu kria saida ou ita atu nonok deit nunee, ou ita atu buka naok ten sira ne’ebe na’ok, joven sira tenki loke nia hanoin haree ba realidade ida ne’e”. Hateten Alvio Jose da Silva

Enkuantu, Serimonia komemorasaun ne’e organiza no servisu hamutuk Komisaun Anti Korupsaun (CAC) GOPAC, CEPAD no PDHJ, no hetan partisipasaun maksimu husi estudante universitariu sira, sekundariu sira no representante husi instituisaun sira

Jornalista  : Juvita Sarmento

Editor         : Ekipa Editorial