Kompaña-2 Sai Manan Na’in Ba Projetu Konstrusaun Eskuadra Dom-Aleixo

SAPNewsTL, DILI – Representante VIII Governu Vise-Ministro interior  partisipa iha lansamentu fatuk dahuluk ba kontrusaun edifisiu foun Eskuadra Polisia Dom-Aleixo, iha ambitu Lansamentu fatuk dahuluk  ne’e, VMI António Armindo parabeniza kompanha manan na’in ba konstrusaun refere

“Projetu konstrusaun edifisiu foun Eskuadra Dom Aleixo hahù iha tinan hirak liu ba ho nia kustu $ 10 milloens, no tuir mai haruka tèkniku sira halo redezenha no konsege tun fali ba $3 milloens no ikus liu tun ba $1.5 miloens, ida ne’e halo atrazu boot tebes tanba ne’e  tenki muda mai iha tinan 2022 no ohin realiza”. Dehan Vise-Ministru interior António Armindo iha, Ai-Mutin, Segunda (17/10).

Governante ne’e konsidera edifisiu Eskuadra Dom Aleixo durante ne’e fo risku ba membru polisia sira ne’ebe mak servisi , wainhira inundasaun hetan difikualide ba elitrisidade no bele hetan risku

Entertantu Xefi Administrasaun Planeamentu Komandu Jeral PNTL Superintendente Calisto Gonzaga hateten, projetu konstrusaun edifisiu foun Eskuadra Dom Aleixo nia orsamentu mai husi orsamentu Jeral estadu (OJE) ne’ebé lolos ne’e realiza iha tinan rua liu maibe la konsege.

Nia akresenta, tuir komprimisiu sei hari’i no hadia edifisiu hamutuk 29 iha munisipiu sira ne’ebe identifikadu

“Projeitu ne’ebe ami nia komprimisio ne’e hamutuk rua nulu resin sia (29) ida mak ohin hahu ona seluk sei hadia iha fulan rua ou tolu mak hanesan Kristu Rei, Laklo ,Vera Criuz no Na’in Feto, sira seluk sei haruka ba munisipio tolu hanesan  Liquisa ,Aileu no Dili sei halo kuartel, inklui Bairu Polísia Viqueque, Baucau, no mos postu eskuarda balun hanesan Letefoho”. Nia informa

Enkuantu, projetu refere mai husi orsamentu Jeral Estadu ho montante $1,551, 974.61, projetu hirak ne’e kompaña rua mak sai manan na’in no sei kaer projetu ne’e, tuir trajetu projetu ne’e sei hahu iha loron ikus fulan-outubru 2022 no sei remata iha fulan-outubru 2023

Jornalista  : Antonio Tilman

Editor        : Ekipa Editorial