Kompanha 16 Kontinua Simu Traballador 295, Austrália Konsidera Timor Oan Servisu Lais Liu

SAPNewsTL, Dili : Sekretariu Estadu Formasaun Profisional no Empregu Alarico do Rosario hamutuk Diretora Embaixadora Austrália Suzi realiza serimónia dispidida ba trabalhadores Timor oan hamutuk atus rua sia nulu resin lima(295), trabalhador hirak ne’e sei aranka ba Australia no servisu iha kompania sanulu resin neen(16).

Tuir Diretora embaixadora Australia Sra. Susi hateten empresaria sira hili sira bazeia ba abilidade fisiku no mentalidade

“Hili Traballador sira bazeia ba abilidade no mentalidade tanba sira iha duni potensialidade inklui atetude ne’ebe diak, fiel no vontade di’ak, ha’u fiar katak ita boot sira sei sai trabalhadores exselente no sai hanesan embaixador exsilente mos ba ita boot sira nia rain, servisu primeiru sei todan maibe ita boot sira kontinua aprende buat hotu sei sai fasil liu tan”. Dehan Diretora Embaixadora Australia Sra.Suzi iha salaun INFORDEP Balide Tersa 04/10/2022

Embaixador Australia ne’e konsidera oportunidade servisu ba joven sira servisu iha Austrália ne’e nu’udar meiu ida hodi hadia moris familia nian inklui kontribui ba kresimentu ekonomia estadu nian.

Nia fundamenta,  iha tinan ida ne’e Australia halo avaliasaun ba trabalhador nasaun sanulu ne’ebe servisu iha Australia, resultadu hatudu katak traballador Timor oan emprega servisu ne’ebe lais liu iha Australia

Iha fatin hanesan Secretaria Estadu Formasaun Profisionál no Empregu Alarico do Rosario hateten prosesu Rekrutamentu Governu Australia nian ne’ebe mak hahú husi 2012-2022, SEFOPE nia papel mak fasilita oinsa ba servisu iha Austrália, maibe rekrutamentu ne’e Malae mak halo

 “Ami nia esforsu mak ida ne’e, maibe iha balu la kontente ho ita nia servisu nia sei lori ami ba kesar iha parlamentu, prossesu ami nian mak atu fasilita de’it ita boot sira hodi haruka naran ne’e ba Australia ida prossesu intervista no rekrutamentu malae mak direitamente laos ami mak hare ba servisu ne’e”. Tenik SEFOPE

Entretantu, SEFOPE husu trabalhadores sira atu kumpri regras servisu nian liliu servisu ho pontualidade no profisionalidade, portantu  populasaun Timor oan ne’ebe agora daudaun servisu iha Australia hamutuk 6.000

Enkuantu, Traballadores 295 hirak ne’e sei aranka ba Austrália iha Semana ne’e, tuir planu traballadores hirak ne’e sei servisu iha Kompanha 16 iha Austrália

Jornalista : Aquelina Magalhaes

Editor        : Ekipa Editorial