Komunidade Suku Motael Simu Subsidiu Dolar $ 200
![](https://sapnewstl.com/wp-content/uploads/2022/12/Xefe-Suku-Motael.jpg)
Xefe Suku Motael Luis Antonio Candido Gusmão Viegas iha nia knaar fatin Motael, 06/12/2022
SAPNewsTL, DILI : Komunidade Suku Motael Postu Administrativu Vera Kruz hamutuk 1.524 ne’ebe sai benefisiariu husi aldeia lima iha Suku refere hahu simu ona subsidiu dolar $ 200, tuir Xefe Suku Motael Luis Antonio Candido Gusmão Viegas haktuir hafoin foti osan iha Banku Nasional Komersiu Timor Leste (BNCTL), enkuantu, Pagamentu sei distribui fazeamente
“Ami suku Motaél kompostu husi aldeia lima, ami nia total benefisia iha 1.524 familia ida-idak mak sei hetan subsidiu $200 dolar, ita mos hatene ami fila fali ba iha tinan rua kotuk ba ne’e ami iha tiha ona pagamentu, iha balun dalaruma iha sistema balun benefisiriu la too $ 500 dolar mos dalaruma sira nia naran ne’ebe ami submete ona la sai maibe ami sei koko atu uza reklamasaun ba sira tanba ne’e sira nia diretu”.Dehan Sefe Suku Luis Antonio Candido Gusmão Viegas iha Sede Suku Motaél.terça (06/12).
Xefe Suku ne’e akresenta dadus ne’ebe iha suku Motael hamutuk 1.700 ital benefisiariu, sira hatama hotu tanba ne’e pagamentu universal
“Pagamentu ida ne’e universal ne’ebe benefisiariu 1.700 ital ami hatama hotu, ami suku motaél rasik ami hatama mak ita nia Presidente Parlamento aktual sua exelencia Aniceto Guterres, Presidenti Sesante Aderito Hugo, Prezidenti Republika sesante Fransisco Guterres Lu – Olo naran ami submete ba maibe, depois mak ekipa husi estatal nososial halo verifikasaun, se mak merese simu, tanba ita hatene katak sira salario mais de $ 500, sira la kategoria ona simu direitu ba subsidio fim do ano”.Nia Subliña
Enkuantu, Populasaun sira iha suku motael ne’ebe kompostu husi aldeia lima hahu iha ona faze pagamentu $ 200 dolar ba kada uma kain, tuir observasaun nota katak pagamentu refere la’o ho diak no hetan partisipasaun ativa husi xefe kada familia sira iha sentru pagamentu sira
Jornalista : Aquelina Taec
Editor : Ekipa Editorial