Konvida Horta Partisipa Konferénsia Iha Egipto, SEA Agradese Mensagem PR Iha Nova Yorke
Imajen Sorumutu Entre Presidente Republika no Sekretariu Estadu Ambiente iha Palasu Presidente, 05/10/2022
SAPNewsTL (Dili) : Iha Sorumutu entre Sekretáriu Estado Ambiente (SEA) Deometro Amaral Do Carvalho ho Presidente da Repúblika Jose Ramos Horta, SEA konvida Exselencia José Manuel Ramos Horta hodi partisipa konferénsia Altu Nivel kona-ba Mudancas Klimatika iha Nasaun Egipto
“Ohin hala’o audiénsia ho Presidente da Repúblika iha asuntu tolu mak ami relata ba presidente ida primeiro maka hato’o agradesesimentu ba presidente ne’ebe fo mensagem iha Nova lorke tau mos asuntus alterasões klimatikas, segundu husu Presidente atu bele partisipa iha konferénsia ba dala 27 iha Ejipto, iha segmentu altu nivel ninian ne’ebe sei realiza iha meiado fulan Novembru dia 14, to’o 17”, Tenik SEA Deometro Amaral ba Jornalista sira iha Palasiu Presidensial, 05/10/2022
Deometro Amaral hatutan, Presidente da Repúblika hanesan Premiadu Novel da Paz bele sai figura sentral ida iha kampanha no Defeza ba justisa klimatikas iha forum Altu Nivel refere
Entretantu, iha enkontru ne’e mos Sekretario Estadu Ambiente ko’alia kona-ba Apoia Xefe Estadu hodi komunika ho parte Nusa Tenggara Timur (NTT) Indonesia haree kooperasaun ho Timor Leste ba base part( plataforma) Recursus tasi ninian entre nasaun rua ne’e.
Tuir Deometro Amaral Timor Leste tenki estabelece base part atu asegura partisipasaun populasaun ninian iha uzu ba sustentavel iha rekursus oseániku no Marinhu.
Jornalista : Vinsensius Saldanha
Editor : Ekipa Editorial