Laiha Ema Ida Moris Mesak, Moris Ne’e Presiza Valoriza Ema Seluk

SAPNewsTL,Dili: Deputadu Bankada FRETILIN David Dias Ximenes Mandati hateten komemorsaun ba loron 30 de Agustu fanun Timor oan hotu presiza dame malu, valoriza malu, simu malu hodi hametin estabilidade iha nasaun ne’ebe ema barak investe nia vida molok hetan ukun rasik an

“Komemorsaun ba loron 30 de Agusto nian, ita iha paz mak ita iha estabilidade, estabilidade laiha ita nia paz mos laiha, paz ne’e ko’alia katak moris iha dame nia laran, atu iha dame primeiru ita tenki respeitu malu nu’udár ema ba ema atu hetan respeitu malu ita mos komesa valoriza ita nia maluk seluk”. Dehan Deputadu Bankada FRETILIN David Dias Ximenes Mandati iha nia knar fatin parlamentu nasional, Kuarta-Feira,24/08/2022.
Deputadu husi FRETILIN ne’e akresenta, avaliasaun ne’ebe iha husi maluk sira ne’e mak hanesan asaun ida ne’ebé sei lori ita ba pas no estabilidade.
“Ita laiha ema mak moris izoladu, ita nia susesu, ita nia realizasaun sempre ita iha komunidade ida nia le’et, iha sosiedade nia le’et, avalisaun ba ita nia di’ak ka a’at ita nia maluk sira seluk avalia, ne’e duni ita konduta sira ne’e mak sei lori ita ba paz no estabilidade”. Tenik nia

Deputadu ne’e fundamenta timor oan tenke simu malu atu labele iha diverzensia tanba to’o ohin loron maluk barak mak sei terus nafatin tanba ne’e presiza kria dame hodi valoriza malu nafatin.

“Ita ne’e nasaun pos-konflitu, agora ita difini fali ita nia konflitu ne’e oinsa, ita uluk ko’alia kona-ba ita simu malu, mai ita hakiak dame maibé tenki mos respeita ema seluk nia valor tanba buat ida ukun rasik an ne’e investimentu barak balun mate balun terus ne’e investimento bo’ot ida igualidade iha maibé igualtarismo ne’e labele dehan hotu-hotu hanesan ne’e imposivel”. Nia salienta

Nia mos husu atu hamutuk aseita malu hodi hametin dame nu’udár Timor oan.
“Mai ita konsidera malu oinsa maka ita atu hametin ita nia dame ne’e hodi aseita malu, ne’e la’os dehan katak ha’u ne’e obriga ema ida para aseita, aseitasaun mutua ita simu malu nu’udár ida-idak nian pozisaun maibé aseita malu nu’udár Timor oan”. Nia hakotu

Jornalista: Ermelinda soares
Editor: Luis dos Santos