Lere Husu Juventude TL Hadook An Husi Krime

SAPNewsTL, Ermera : Hafoin sai orador iha Seminariu Nasional ne’ebe realiza iha Postu Administrativu Atsabe, Tenente Jeneral Reformadu Tito da Costa “Lere Anan Timur” husu ba juventude milenial sira tenki hatene Timor-Leste ninia istória no hadook an husi krime

“Ohin loron ne’e dedikadu ba 12 Novembru, tanba foinsa’e sira lahatene istória Timor-Leste nian, sira rona de’it maibé sira ladún hatene lolos istória, Entaun ohin mai fahe no konta, istória ne’ebé mak uluk ami halo i funu iha ai laran, ne’e mai konta ba sira hodi sira bele hatene”. Dehan eis tenente reformadu Lere anan Timur ba jornalista hafoin sai orador ba semináriu nasionál iha Atsabe, Quinta,10/11/2022

.Tenente General Reformadu ne’e hatutan, nia ba hodi fo sasin kona-ba tanba saida mak funu, no tanba saida mak 12 Novembru ne’e mosu.

“Ha’u mai konta ida ne’e ba foin sa’e sira, Kona-ba istória Timor nian inklui tansa saida 12 Novembru akontese, ha’u hanoin rezisténsia sira, veteranus, no líder sira ida-idak hakerek ona ninia istoria moris, tanba la’ós ema ruma konta mak hakerek tutan, maibé ami rasik mak halo istória no ami rasik mak konta istoria, Ha’u hakerek ona maibé ha’u nia seidauk sai maibé tinan ida tan ou la to’o tinan ida tan ha’u nia memoria ne’e fo sai”. tenik Lere

Entretantu Lere husu mos ba inan aman no foin sa’e sira hodi nafatin iha esperansa ba moris diak iha futuru

“Ita sei moris tenki esperansa ba ita nia futuru, atu esperansa ba ita nia futuru, ita tenki hamutuk hanesan ajuda malu no apoiu malu, tanba dalaruma Timor ne’e laran moras ba malu mak barak”. nia sublina

Enkuantu, Lere fundamenta juventude nu’udar aliserse ba hari’i estadu, tanba ne’e nu’udar jerasaun ba futuru nasaun ninian ne’e  tenik hamutuk hadomi malu no hadook an husi krimi sira

Journalista : Equipa Kobertura