Loke Seminariu ! PR Sei Ko’alia Ho PM Taka Prosesu Funu Husi 1975-1999
SAPNewsTL, Bobonaro: Prezidente Republika (PR), José Manuel Ramos Horta loke seminariu iha Festivál Fronteira 2023 ho tema memoria husi memoria ba esperansa atu hametin rekonsiliasaun povu Timor-Leste ho NTT, Indonézia.
“inisiativa seminariu iha festivál ne’e inisiativa husi governu nomos centru Nasionál Chega (CNC) apoiu husi prezidente republika ho enkontru ida importante tebes konaba istoria, kulturál no rekonsiliasaun dame ne’ebé importante tebes ba ita nia nasaun TL nia relasaun ho Indonézia.” Dehan Prezidente da Republika (PR), José Ramos Horta ba Jornalista sira iha jinagiu munisipiu Bobonaro, kinta (16/11).
Prezidente Republika hatutan, seminariu ida ne’e importante tebes konaba istoria no kultura rekonsiliasaun ho dame entre povu Timor-Leste ho Indonézia, nia mai loke abertura ba seminariu festivál fronteira ida ne’e atu hametin Timor-Leste nia kulturá hare’e ba oin hodi hametin dame ba timor oan hotu-hotu iha rai laran nomos iha rai liur tanba maluk Timoroan lubuk ida iha NTT kleur ona la mai tanba sira tauk bainhira hahu ho determinasaun politika rai rua nian.”
José Ramos Horta informa, nia sei husu primeiru ministru Jose Alexandre Kayrala Xanana Gusmão atu taka prosesu hotu-hotu hahu husi funu 1975 nian to’o mai 1999 maibe ne’e prosesu naruk maibe ho kulturálmente sei kesi nasaun rua nia amizade ho paz nu’udar Timor ida deit husar talin ida.
Entretantu, orador husi Timor-Leste ho NTT, Indonesia iha seminariu Festivál Fronteira 2023 maka Dionisio Soares Babo, Josh Trindade, Armindo Maia, M.Phil, David Amfotis, SVD, Primos Lake no Gregorius Neonbasu, partisipante iha seminariu ne’e mai husi joven sira husi Timor-Leste ho NTT, Indonesia no durasaun seminariu ne’e lao husi oras 08:00 to’o 05:00 OTL.
Reportajen: Augusto dos Santos
