Assosiasaun 13 Prontu Lori Nilton Gusmão Kandidatu Ba Prezidente FFTL

SAPNewsTL, Bobonaro: Asosiasaun utebol 13 inklui asosiasaun futebol munisipiu Bobonaro prontu lori Nilton Gusmão kandidatu Prezidente Federasaun Futebol Timor-Leste (FFTL) foun iha kongresu iha loron 10 fulan janeiru 2024.

“Ha’u nu’udar prezidente asosiasaun futebol munisipiu Bobonaro mantein apoiu Nilton Gusmão kandidatu ba Prezidente FFTL foun ho asosiasaun sira seluk hamutuk 13 mak asosiasaun futebol munisipiu Bobonaro, Likisa, Oe- Cusse, Baucau, Viqueque, Ainaro, Lautem, Klube kampiaun divizaun dahuluk no daruak 2023 Karketu Dili FC ho DIT FC, Futsal”,

“Femenina tuir lolos asosiasaun 14 maibe asosisaun treinador hakat sai tiha pakote apoiu kandidatu Nilton Gusmão ba prezidente FFTL foun iha kongresu iha loron 10 fulan janeiru 2024”, dehan Prezidente Assosiasaun Futebol Munisipiu Bobonaro Domingos Gouveia ba jornalista sira iha resintu jinajiu munispial Maliana, Bobonaro kinta (16/11/2023).

Prezidente hatutan, asosisaun Futebol 13 apoiu kandidatu Nilton Gusmão no assosiasaun sanulu resin apoiu kandidatu Francisco Kalbuadi ne’e politika mak nune’e, ba nia prezidente asosiasaun futebol munisipiu Bobonaro nu’udar mos ekipa susesu kandidatu Nilton Gusmão ne’e normal, nu’udar prezidente asosiasaun futebol munisipiu Bobonaro fulan ida liu ba nia deklara iha salaun City 8 apoiu Nilton Gusmão sai ba prezidente FFTL.

Nune’e agora mos ami nafatin apoiu Nilton Gusmão kandidatu ba prezidente FFTL foun iha kongresu sei akontese iha loron 10 fulan janeiru 2024.

Nia informa, formatu sai ona ba kandidatu prezidente FFTL foun ba kongresu iha loron 10 fulan janeiru 2024 depois kandidatu sira sei submete iha loron 27 fulan novembru 2023, nia garante kandidatu Nilton Gusmão sei sai prezidente FFTL foun iha kongresu iha loron 10 fulan janeiru 2024 tanba sira presiza figura foun hanoin mos foun ho diak hodi dezenvolve futebol diak liu tan iha Timor-Leste.

Assosiasaun futebol 13 ne’e fiksu ona agora sira buka para kandidatu Nilton Gusmão manan absoluta iha kongresu mai ne’e, sira sei nafatin halo aproximasaun ba asosiasaun sira seluk durante la apoiu Nilton Gusmão nune’e apoiu kandidatu Nilton Gusmão ne’e sei liu 13 menus husi ne’e la iha.

Domingos salienta, assosiasaun futebol 13 hili Nilton Gusmão tanba sira presiza figura foun husi jerasaun foun hanoin fresku dezenvolve futebol iha Timor-Leste sira lakoi apoiu figura tuan ho idade tuan sei la halo mudansa.

Assosiasaun 13 garante Nilton Gusmão sei implementa promesa tanba antes tama kongresu iha loron 10 fulan janeiru 2024 sira sei asina akordu eskrita ho Nilton Gusmão depois sira asina hotu atu nune’e bainhira Nilton Gusmão lidera FFTL mak la halo tuir akordu sira sei hamosu kongresu extraordinariu.

Ekipa susesu ne’e afirma tan, nia hakarak bainhira Nilton lidera FFTL iha tinan 2024 maka tenki hare’e asosiasaun futebol 21 labele hare’e deit mak asosiasaun sira apoiu ne’e deit tanba asosisaun 21 ne’e iha direitu hetan apoiu husi FFTL hanesan

Nune’e bele dezenvolve futebol husi baze duni mak to’o ba nasional tanba durante ida ne’e la iha kompetisaun no halo selesaun ba jogador nasional iha nasional deit, jogador sira ba joga iha kompetisaun internasional mak jogador nafatin deit la iha seluk.

Sira apoiu ka konkorda Nilton Gusmão tanba kandidatu ne’e iha ona hanoin atu dezenvolve futebol husi baze para hetan jogador selesaun nasional.

“Durante ne’e ita iha prezidente lubuk ida lidera FFTL mak hanesan Francisco Kalbuadi Lay ho Fransisco Jeronimo halo ona buat lubuk halo aproximasaun ho FIFA, AFC no AFF hodi rekonese FFTL maibe iha buat balun seidauk realiza nune’e ami hakarak Nilton Gusmão lidera FFTL para halo buat ne’ebe prezidente anterior sira seidauk realiza ne’e”, tenik Domingos

Entretantu, antes ne’e Nilton Gusmão deklara iha salaun City 8 katak nia prontu kandidatu an ba prezidente FFTL foun bainhira asosiasaun futebol 21 fo fiar ba nia lidera FFTL hodi troka prezidente anterior nian fatin ba periodu 2022-2026.

Reportajen: Augusto dos Santos