SEFOPE Konsidera Teste Uza Sistema Familiarizmu Ne’e Lalos
SAPNewsTL, Dili : Relasiona teste vaga online ba Australia ne’ebe mak SEFOPE fo sai iha pajina media sosial SEFOPE nian halo publiku la aseita no hasai liafuan iha media sosial katak SEFOPE hili Familarismo ne’e SEFOPE konsidera ne’e lalos
Secretario Estado de Formasaun Profesional e Emprego (SEFOPE) Rogerio Araujo Mendonca informa no Habelar ba publiku katak informasaun ne’ebe mak Publiku tau iha pajina media sosial ne’e lalos tanba servisu saida mak agora SEFOPE halo ne’e tuir deit saida governo anterior nia servisu.
Tuir informasaun né ebe mak SEFOPE haree publiku fo sai iha media sosial katak SEFOPE hili Familarismu mak hodi liu iha vaga online ne’e lalos tamba sira liu ona iha vaga ne’e sei tuir teste mak foin liu ba servisu iha Australia.
“Aplikante sira ne’ebé mak naran fo sai iha Pajina media sosial SEFOPE nian ne’e hamutuk 2.000 mil mak liu maibe sira sei tuir teste iha loron 20 Fulan novembro no Tinan 2023, 39.000 mil ne’ebe mak iha hela sistema no 11.000 ne’ebe mak hahu Husi tinan 2016 ho 2023 hamutuk 50.000 nee sei publika ba iha munisipio ida idak”. Tenik SEFOPE Rogério Araujo Mendonça iha loron, 16/11/2023
Governante ne’e hatutan, joven sira ba hare sira nia naran taka sai sira mos bele fila fali mai iha Dili hodi tuir teste.
“Publiku sira kestiona los kona ba numeru balansu entre munisipiu sira tuir dadus online ne’ebe mak Ita hare Dili hamutuk 9.512 , baucau 7.800, Ermera, 6.200, tuir Mai Mak Bobonaro 7.000.” nia Sublinha
Jornalista : Antônio Tilman