SEKOMS Konsidera Mídia Nia Linguagem Ladun Neutral Ba EhD
SAPNewsTL,DILI- Associação da Deficiente de Timor-Leste(Sigla Portugues ADTL), halo sensibilizasaun kona-ba ba asuntu Ema ho Defisiensia (EhD) no inkluzaun ba instituisaun media hodi utiliza linguagem ne’ebe mak dignu bainhira halo kobertura ba asuntu ema ho difisensia
Tuir Diretor Executivu ADTL Sejario da Silva hateten aktividade ohin ne’e sensibilazasaun ba media sira ho intensaun prinsipal atu media iha sensibilidade ba asuntu inklusaun ho difisiensia.
“Ha’u hanoin ami konta tebes apoiu media nian ba dezenvolvimentu asuntu ho difisiensia Timor-Leste. Tanba ami sempre halo komparasaun ami mesak, ami nia lian sei la forte ami koalia mesak iha ami nia fatin. Media mak tulun lian difisiensia sira nian to’o ba ema hotu-hotu bele rona”Dehan Diretor executivu ADTL iha nia diskursu,Quinta-feira(16/11/2023)
Nia hatutan media nia papel importante tebes hodi tulun no lori ema ho difisiensia nia lian ba ema hotu nune’e ternu linguagem ne’ebe mak dignu ne’e importante mos ba ema ho difisensia sira
“Tulun media nian importante teb-tebes, maske nune’e ami sempre akompanha sensibilidade media nian ba asuntu difisensia mos presija, liu-liu utiliza linguagem sira ne’ebe mak dignu ba ema ho difisiensia.”nia informa
Nia haktuir katak ema ho difisensia iha nessesidade espesifiku ne’ebe mak sira ida-idak infrenta,ho tipu ne’ebe mak diferente,ne’ebe mak presija tebes atu sensibiliza asuntu hirak ne’e tanba media nia tulun ne’ebe hasa’e konsensia publiku sira nian
“Media nia tulun bele hasa’e konsiensia publiku sira nian no halo maluk defisensia sira mos fiar ann liu tan atu bele hola parte iha prosessu dezenvolvimentu nasional”.
Iha fatin hanesan, Sekretario de Estados Comunicação Social(SECOMS), Expedito Loro Dias haktuir katak formasaun lian dignu ba Jornalista sira hodi utiliza ba ema ho difisiensia ne’e importante tebes
“Hau hakarak hateten katak formasaun ne’e importante tebes ba kolega jornalista sira husi imprensa,audivisual no mos plataforma digital online sira, tanba durante ne’e ita ladun fo importansia ba ‘ dezenvolvimentu assosiasaun difisiensia sia Timor-Leste liu-liu kona-ba oinsa atu utiliza linguagem tekniku ho lolos atu ita tau maluk difisiensia ho lolos tuir kontituisional ne’ebe mak konsagra iha konstituisaun Republika”.Dehan SECOMS Expedito Loro Dias
SECOMS afirma katak ema hotu-hotu iha direitu hanesan ba liberdade imprensa. durante ne’e media nia linguagem ladun netral ba ema ho difisiensia
“Ita hare ba konstituisaun Timor oan hotu-hotu iha direitu hanesan, ita hare ba mandatu konsituisional liu-liu iha artigu 40 no 41 koalia kona-ba Liberdade ba expresaun no informasaun no liberdade ba imprensa no ba meiu ba komunikasaun sosial”.
“Durante ne’e ita hare katak media nian kobertura ba iha kolega sira ho difisensia, no dala barak linguagem ne’ebe mak fo sai iha media ladun netral”.
Enkuantu, partisipa iha sendibilizasaun ne’e mai husi Jornalista sira ne’ebe servisu iha média nasional sira iha Timor-Leste, programa ne’e hetan abertura direita husi SEKOMS.
Jornalista : Marcella Mery da Costa