Marka Jornada Foun, MOFA Realiza Semináriu Nasionál Iha Atsabe
Imajen Diskursu Presidente MOFA Igitro dos Santos
SAPNewsTL, Ermera : Prezidente Movimentu Foinsa’e Atsabe (MOFA), Igitro dos Santos hateten, Postu Administrativu Atsabe pela primeira vez realiza semináriu Nasional ne’ebe marka presensa husi líder nasionál sira hanesan Tenente General Reformadu Tito da Costa “Lere anan Timur”.
Tuir Presidente MOFA objetivu prinsipál husi seminariu ne’e mak atu hanoin hikas masakre santa kruz hanesan refleksaun bo’ot ida husi luta ba libertasaun pátria liliu sofrementu naruk ne’ebe povu Timor hasoru iha tempu resistensia, nune’e mos hanoin hikas deslutu ba autór jornalista internasionál saudozu Maxthal ne’ebe filas hikas ona ba maromak iha tinan ida liu ba
“Ohin ami foin sa’e atsabe hetan previleziu bo’ot ida, hahú kedas husi tempu invazaun Indonézia to’o iha Timor-Leste ukun an tinan 20 ona, pela primeira vez ami realiza semináriu hanesan ne’e, no partisipa husi líder nasionál sira liuliu líder sira ne’ebé sai autór vivu ba prosesu luta libertasaun pátria no povu Maubere, hanesan ohin avo Lere marka prezensa iha ne’e”. Dehan Prezidente MOFA iha nia diskursu, Salaun Atsabe, Kinta,10/11/2022
iha fatin hanesan, Orador Tenente General Reformadu Lere Anan Timur hateten juventude Timor Leste tenki hatene istoria luta joven sira nian, juventude tenki hatene hadomi malu, tulun malu no hasees an husi krime sira hotu tanba joven mak aliserse ba nasaun
“Joven mak aliserse ba nasaun tanba ne’e tenki hadomi malu no sees an husi krime sira hotu hodi kontribui ba paz no estabilidade nasaun nian”. sublinha Lere Anan Timur
Entretantu, semináriu nasionál ne’e partisipa husi Tenente Reformadu Lere Anan Timur, Reprezentante Komité 12 Novembru, Administradór Postu Administrativu Atsabe, veteranu sira, juventude postu atsabe, professores, estudantes nokomunidade sira.
Journalista : Equipa Kobertura