ME Halo Ona Pagamentu Ba Manorin Etapa I & II, Etapa III Sei Selu Iha Dezembru
Imajem : DNRH Anita Tavares Ribeiro de Jesus hala’o komunikadu imprensa iha Salaun ME Villa-Verde,22/11/2024
SAPNewsTL, Díli – Ministériu Edukasaun (ME) halo ona Pagamentu Subsidiu Kolokasaun Insial no Subsidiu transporte ba Professor Bolsa Kandidatu Faze da-huluk no da-ruak ho montante $ 1, 063, 377, 00 ba Professores hatumtuk 1.108 iha fulan Novembru 2024.
Diretora Nasional Rekursu Humanu (DNRH) Anita Tavares hateten Ministériu Edukasaun halo ona pagamentu ba professores sira nia subsídiu no osan ba transporte iha fulan novembru.
“Iha kolokasaun faze da-huluk no da-ruak hosi prosesu bolsa kandidatu faze primeiru konsege halo ona pagamentu inklui salariu kada fulan hosi loron 14 fulan maio. Subsidio kolokasaun inisial no subsidio transporte prosesa no halo ona pagamento iha fulan Novembro no osan tama ona iha ida-idak nia konta bankaria”. Informa DNRH Anita Tavares Ribeiro de Jesus iha Salaun ME Villa-Verde,22/11/2024
DNRH Anita Tavares Ribeiro de Jesus husu ba professores ne’ebé seidauk hetan sira nia direita bele informa fami ba parte ministériu edukasaun hodi bele prosesa no halo pagamentu.
“Parte Diresaun Nasional Rekursu Umanu informa ba profesor sira hosi prosesu kolokasaun da-huluk no da-ruak, karik saláriu no subsidiu sira seidauk tama iha konta bankaria, husu atu informa lalais mai ME-DNRH hodi haree tuir fali prosesu ne’e. Salariu baze prosesu normal ba bacharelato $ 278.00 no Lisensiatura $ 288.00”.
Diretora ne’e mós husu ba manorin etapa daruak no datoluk hodi aselera prosesu submisaun Lista presenza ba ministériu edukasaun liu hosi DNRH, nune’e bele halo pagamentu ba iha fulan Dezembru tinan ne’e.
“Husu mos ba professor sira kolokadu iha etapa daruak atu apresa/aselera prosesu submisaun lista prezensa kada fulan mai ME-DNRH ne’ebe asinadu hosi Diretor Eskola ida-idak (Escolas Privadas, Escolas Publicas no Escolas P. Cafe).”
“Ba profesores kolokadu iha etapa da-toluk tenke mos apresa ho lista prezensa kada fulan labele liu iha loron 15 de Dezembro 202 tanba pagamentu sei iha prosesu nune’e sei tama iha fulan Dezembru”.
Enkuantu, Profesores bolsa kandidatu faze da-huluk hamutuk 443, da-ruak 665 no da-toluk 476 ho total 1.584. orsamentu ne’ebé lokadu ba subsídiu transporte, subsídiu inisial no saláriu baze hamutuk 1,063,377.00.
Jornalista : Dircia Baptista Belo