MESCC, UNFPA & Embaixada Tailandia Hakarak Dezenvolve Kuríkulu Kursu Parteira
Imajem : Representante Interino UNFPA, Domingas Bernado iha Salaun Maubara Room Timor Plaza, Segunda-feira(29/04/2024)
SAPNewsTL,Dili- Fundus Populasaun ba Nasoens Unidas(Sigla English UNFPA), hamutuk ho embaixada Thailandia realiza workshop ba Universidade Nasional Timor Lorosa’e( sigla UNTL),Instituto Superior de Saude(sigla ICS) no Instituto Superior Cristal(sigla ISC).
Ministro Ensino Superior Ciencia no Cultura(sigla Portugues, MESCC) José Honório da Costa Perreira Jerónimo hatete, iha workshop ne’e husi embaixada Thailand hakarak ajuda iha area Saudé nian, liliu iha area kúrikulu parteira nian, no mos ba estudante sira iha universidade UNTL, ICS no ISC.
“Thailandia iha Komitmentu bele ajuda hodi bele hadia kúrikulu parteira nian iha Timor, tanba kúrikulo ida ne’e importante tebes ba instituisaun hot-hotu, loke kursu parteira, ohin sira hahu ho UNTL, Cristal no ICS. MESCC hanoin katak area ida ne’e importante los, atu nune’e bele hetan rezultadu ne’ebe diak iha futuru”.Dehan Ministro Ensink Superior Ciencia no Cultura José Honorio da Costa Perreira Jeronimo ba jornalista sira iha Salaun Maubara Room Timor Plaza, Segunda-feira(29/04/2024)
Ministro hatutan, fo treinamentu ba ita nia professores sira, husi UNTL ho Dekanu UNTL sira lubuk ida iha ne’e, Cristal mos iha Professores lubuk ida, husi ICS mos sira nia Vise reitor inklui mos sira nia estudante sira bele mai aprende, professores Estudante sira mai aprende kedas ha’u hanoin ne’e diak.
Iha fatin hanesan, Representante Interino UNFPA, Domingas Bernado hatete, hadia fornese servisu saúde matenek, hodi ajuda redus saúde materna inan no bebe mate iha Timor-Leste.
“UNFPA nunka husik eskola parteira sira desde uluk kedas, husi eskola parteira UNTL hahu, husi UNFPA nunka haluhan ida ne’e, agora ne’e iha global nian, kompetensia parteira nian, ema prepara tiha ona iha global, ita nia eskola parteira sira nia kurikulu ne’e mos, tenki alinea iha ida ne’eba, atu nune’e bele asegura servisu aban bainrua”. nia salienta
Nia informa kada tinan produs, no hasai Parteira foun ne’e, tenki asegura sira, produs eskola tolu(3) ne’e sira prontu ona atu servi, la presija ona kompetensia ida baziku ne’e tenki iha, sira tenki hatene oinsa fo partus nia asistensia ba partus, oinsa sira atu ajuda fo moris ba “Bebe” foin partus, oinsa sira bele fo suporta ba inan ida, asiste inan ida, planeamentu familiar.
“Tamba ne’e mak skill no abilidade baziku presija iha, ita labele produs deit, maibè tenki asegura, sira kuandu sai husi eskola parteira tenke iha ona skill baziku ne’ebe atu ajuda sira bele servisu, iha Sentru Saudé sira” Nia Hakotu
Jornalista: João Marito