Na’i Ulun Sira La Aprezenta Kultura TL Ba Mundu, JADTL Husu Jerasaun Foun Promove

SAPNewsTL, Dili : Organizasaun Juventude Asaun ba Dezenvolvimentu Timor Leste (JADTL) realiza Semináriu Nasional ho Tema Kultura Mak Ita Nia Identidade Ne’ebé Lolos, tuir Koordenadór Organizasaun Juventude Asaun ba Dezenvolvimentu Timor Leste (JADTL)  David Carvalho de Almeida haktuir seminariu ne’e realiza ho objektivu atu jerasaun foun sira kontinua promove no dezenvolve kultura nu’udár identidade Timor.

 “Objektivu ba realizasaun Semináriu  ne’e atu jerasaun foun kontinua promove no dezenvolve ita nia kultura atu nune’e ba ita nia kultura labele lakon iha futuru, jerasaun kontinuador tenki halo ida ne’e nu’udar Joven ida ne’ebé mak aban bainrua tenki nafatin kaer metin nia kultura ne’ebé mak orijinal”. Dehan Koordenadór JADTL ba jornalista sira iha Caicoli-Dili, Sábadu, 17/09/2022.

Koordenador ne’e akresenta, uluk beila sira konsidera kultura hanesan aset prinsipal hodi nune’e nasaun ne’e bele hetan independénsia.

“Uluk ita nia Bei-ala sira nia tempu, Kultura nia fundamentu mak aset  prinsipal ba avó sira uza tanba ne’e maka ohin loron ita nia Nasaun nakfila an sai  nasaun ne’ebé mak soberania no independénsia, se ita nia nai ulun sira dalaruma reprezenta nasaun ida ne’e ba nasaun  seluk mos la aprezenta kultura original iha nasaun seluk ne’eba, ne’e oinsa bele hamorin Kultura Timor iha rai seluk”. Tenik nia

Nia hatutan, Organizasaun Juventude Asaun Dezenvolvimentu Timor Leste (JADTL) ne’e promove kultura tanba ne’e partisipante la’os Munisipiu ida de’it maibé membru ne’e kuaze (13) Munisipiu iha hotu nune’e sei apela ba munisipiu hotu-hotu atu promove ida-idak nia kultura iha munisipiu.

“Ami sei apelu ba membru hotu-hotu katak fila ba ida-idak nia Munisípiu kultura ne’ebé mak orijinal Munisipiu ida-idak nian hamutuk ho inan aman nafatin promove dezenvolve kultura iha ita nia munisipiu, sei liga ba membru sira atu aprezenta mos kona-ba sira nia Munisipiu oinsa bele di’ak liu tan atu ita nia kultura labele lakon iha futuru”. Nia realsa

Iha fatin hanesan orador Martino da Costa hateten ita iha kultura original rasik ne’ebé ita nia  biz avo sira uza.

“Kona-ba kultura uluk no agora ita haree bazeia ba  bizavo, bei-ala sira uza kultura ou tradisional ne’ebé mak ropa orijen ne’ebé mak sira uza mak hanesan tais no ropa makerek maibé hetan okupasaun kolonial, Japonezes sira tama mai ita nia rai Timor Leste, obriga hela avó, bei-ala sira hodi tuir fali sira nia hakarak hodi hamenus  no atu halakon ita nia kultura rasik ne’ebé mak iha rai doben Timor Leste eziste ona”. Nia realsa

Enkuantu, JADTL husu ba jerasaun foun sira atu kontinua promove no desenvolve ba ema hotu, nune’e futuru mai kultura Timor Leste labele lakon nia orijin tantu modifikasaun, portantu seminariu refere hetan partisipasaun maksimu husi joven sira kuaze 13 munisipiu hotu

Jornalista: João Marito

Editor: Ekipa Editorial