Nomeia Estrutura Foun, MESSK Husu Hatudu Loyalidade & Responsabilidade Ba Estadu
Imajem : Ministeriu Edukasaun Superior Siénsia Kultura (MESSK) Hamutuk Emposadu sira iha Delta Nova, 23/07/2024
SAPNewsTL, Díli – Ministeriu Edukasaun Superior Siénsia Kultura (MESSK) realiza serimónia tomada de posse ba estrutura foun Kargu Xefia sira ministériu nian.
Iha diskursu Ministériu Edukasaun Superior Siénsia Kultura, José Honório da Costa Pereira haktuir halo juramentu ne’e kaer segredu estadu nian hodi hatudu responsabilidade ne’ebe maximu ba servi povu no nasaun.
“Husu ba funsionáriu sira tenke servisu ho di’ak, ha’u fo fiar no tau konfiansa ba ita boot sira, loyalidade ba estadu ne’e importante liliu ba programa nonu governu konstitusionál, husu ba kargu xefia sira servisu ho di’ak no loyalidade”. Dehan MESSK José Honório da Costa Pereira iha salaun Delta Nova,Tersa,(23/07/2024)
iha fatin hanesan Direitora Jeral MESSK Maria Filomena Lay Guterres hateten, servisu iha funsaun publika tenki hatudu komitmentu, responsabilidade no loyalidade ba superior sira iha instituisaun.
“Servisu iha funsaun públika katak hotu hotu iha komitmentu ba ita nia responsabilidade no iha loyalidade ba dirijenti sira hanesan Direitor jerál ba Ministru, Diretor ba Diretor Jeral, Xefe Departamentu ba nia diretor hotu hotu tenke loyal ba malu atu servisu ne’e bele la’o ba oin”.
Presidente Komisaun Funsaun Públika (KFP) Agustinho Leténcio de Deus, husu ba dirijente sira atu asume responsabilidade ba knaar ne’ebe simu hodi servisu ba povu no nasaun.
“Atu fó hanoin ba dirijente hotu katak kargu ne’ebe maka asume ne’e responsabilidade tanba responsabilidade ne’e maka hahu husi komitmentu ba juramentu, sira nia expresaun loyalidade liu husi juramentu ne’ebé sira halo”. Presidente KFP sublinha
Lideransa KFP ne’e informa, kargu xefia sira nia mandatu hetan liu husi nomeasaun ne’e valida ba fulan no iha possiblidade bele extende bdepende ba sira nia prestasaun servisu no inovasaun.
“Iha sira nia subtituisaun, ita fó ba sira iha mantadu fulan neen 6, durante fulan neen ne’e tenke servisu ho diak no makaas, iha inisiativa sira no planu ba oin, depois fulan neen bele extende ba sira nia servisu depende ba planu inovasaun no mudansa ne’ebé sira halo bazeia ba sira nia knaar no responsabilidade”.
Kargu xefia sira mak hanesan diretor rua (2) inspetor jeral ida (1), adjuntu rua (2), diretor nasionál hamutuk ualu (8) no kada diretor jeral iha nia Xefe departamentu rua (2) no diresaun ensinu superior iha departamentu tolu totál iha nain sanulu resin lima (15) inklui koordenador gabinete juridiku, gabinete operasaun no unidade relasaun publika.
Enkuantu, serimonia tomada de posse ne’e hetan partisipasaun husi Ministériu Edukasaun Superior Siénsia Kultura, José Honório da Costa Pereira, Presidente Komisaun Funsaun Publika (KFP), dirijente sira iha MESSK no familia emposadu sira.
Jornalista : Ermelinda Soares