Partisipa Festival Maliana ! Administrador Belu Agradese Ba SEAC-CNC
SAPNewsTL, Bobonaro: Administrador Belu Nusa Tenggara Timur (NTT), Indonesia Taolin Agustinus agradese ba Sekretariu Estadu Arte Kultura (sigla portuges SEAC) ho Centro Nasional Chega Institutu Publiku (CNC, IP) tanba konvida no simu sira ho diak ba partisipasaun iha Festival Fronteira 2023 ho tema interkambiu kultural ba hametin rekonsiliasaun iha resintu jinajiu munisipiu Bobonaro.
“Ha’u ho hau nia komunidade husu Obrigadu wain ba komisaun organizador SEAC ho CNC, IP simu ami ho diak tebes ho fuan ho laran, nune’e ami respeita tebes ba ida ne’e, hau ho hau nia komunidade sira mai atu partisipa hodi harame Festival Fronteira 2023 ho tema interkambiu kulturál ba hametin rekonsiliasaun”, dehan administrador Belu Taolin Agustinus ba jornalista sira iha abertura Festival Fronteira 2023 iha resintu jinajiu munispiu Bobonaro kuarta (15/11/2023).
Administrador hatutan, festival ne’e povu Timor-Leste ho Belu NTT atu hasoru malu fo neon ho laran ba malu hodi hadia relasaun entre povu nasaun rua ne’e tanba inan ida husar ida, neon ida laran ida no feto naan ho nune’e nia lori nia komunidade husi Belu NTT mai harame festival ho dansa no seluk tan.
Nia mos hein katak eventu hanesan realiza kada tinan, iha fronteira bele iha area Timor-Leste no NTT nune’e sira mos planu ona loron seluk halo iha Mota Ain, NTT iha suku tolu bele dehan mos suku neen halo fronteira ho Timor-Leste.
Taolin Informa, durante sira povu Timor-Leste ho NTT halo atividade merkadu iha fronteira konvida emprezariu sira husi Timor-Leste no sira halo komunikasaun ho nai ulun sira husi Timor-Leste atu kria prosperiedade no aumenta relasaun entre povu Timor-Leste ho NTT no haluha pasadu hare’e ba futuru, tur hamutuk kria prosperiedade povu iha fronteira NTT ho Timor-Leste hari’i moris diak.
Entretantu, komunidade NTT maka partisipa no harame ho dansa kultura iha Festival Fronteira 2023 mak komunidade husi Belu, Kefa, Malaka no Kupang ho total ema nain-300.
Reportajen: Augusto dos Santos
