PM Albanese & PM Xanana Ko’alia Greater Sunrise No Adezaun Ba ASEAN
Imajem : Primeiru-Ministru (PM) Austrália, Anthony Albanese
SAPNewsTL, Laos : Durante sorumutu entre Primeiru-Ministru (PM) Austrália, Anthony Albanese Xefe Governu Timor-Leste (TL) Kayrala Xanana Gusmão ko’alia kona-bá progresu Greater Sunrise, tanba Austrália iha kompromisu atu servisu hamutuk hodi dezenvolve projetu ne’ebé sai hanesan prioridade TL nian.
Xefe Ezekutivu Australianu no PM Kay Rala Xanana Gusmão ko’alia kona-bá progresu Greater Sunrise, tanba Austrália iha kompromisu atu servisu hamutuk ho TL hodi dezenvolve projetu ne’ebé sai hanesan prioridade TL nian.
PM Xanana Gusmão agradese bá PM Austrália ne’ebé levanta kestaun hirak ne’e, ligadu ho projetu Greater Sunrise ne’ebé sei finaliza iha tempu badak.
Primeiru Ministru Australianu kongratula Timor-Leste ne’ebé organiza vizita Sua Pontífise Papa Francisco iha 9 to’o 11 Setembru 2024 ho susesu boot iha mundu nia matan.
Durante sorumutu bilateral entre Xefe Governu Estadu Rua, PM Anthony Albanese kongratula Primeiru-Ministru (PM), Kay Rala Xanana Gusmão iha ámbitu Simeira Association of Southeast Asian Nations (ASEAN) bá dala-44 no 45 iha Sentru Konvensaun Nasionál (NCC, sigla inglés).
“Parabéns bá TL ho vizita susesu hosi Papa Francisco. Austrália hein katak, Amu-Papa sei vizita mós Darwin,”Tenik Primeiru Ministru Austrália Albanese iha Repúblika Demokrátika Populár (RDP) Laos, kinta (10/10/2024). SAPNews Screeshoot.
Anthony Albanese husu kona-bá kalendáriu desizaun adezaun TL nu’udár membru plenu ASEAN nian, tanba Austrália mós komprometidu fó apoiu másimu iha prosesu tomak.
Kona-bá selebrasaun loron INTERFET nian, PM Xanana konsidera importante no hakarak atu nasaun sira hanesan Malázia no Filipina involve liután hodi halo demonstrasaun no selebra misaun manutensaun pás ida ne’ebé susesu.
Iha selebrasaun aniversáriu Konsulta Populár bá dala-25, Reprezentante Governu Austrália mós marka prezensa mak hanesan Vise Primeiru-Ministru, Richard Marles.
Enkuantu, akompaña PM Xanana durante enkontru ne’e maka Vise-Primeiru-Ministru, Ministru Koordenadór Asuntu Ekonómiku no Ministru Turizmu no Ambiente, Francisco Kalbuadi Lay, Ministru Negósiu Estranjeiru no Kooperasaun, Bendito dos Santos Freitas no Xefe Gabinete PM, Elizabeth Exposto.
Jornalista :Marciana da Conceição