PM Interinu, Kalbuadi Konsidera IX Governu Hatudu Progressu Boot

 

SAPNews TL, Díli – Vice-Primeiru Ministru Kordenador Asuntu Ekonómiku, Aktual Primeiru-Ministru Interinu Fransisco Kalbuadi Lay, relata Dezempenhu no progressu servisu IX Governu Konstitusional nian durante fulan 10 nia laran.

Tuir Primeiru-Ministru Interinu Fransisco Kalbuadi Lay hateten, hafoin asume kargu durante fulan 10 nia laran nia parte kordena tebe-tebes ho linhas ministeriais sira konsege atinji ona serbisu lubuk ida ne’ebe durante ne’e Publiku observa nia progresu no dezafiu sira.

“Ohin hanesan esklaresementu husi Governu kona-ba progresu Dezenvolvimentu Timor-Leste nian liuliu iha Dezempenhu servisu IX Governu Konstitusional nian durante fulan 10 nia laran, ne’ebe ami hala’o” Informa Primeiru-Ministru Interinu, Fransisco Calbuadilay, ba Jornalista sira liu husi Komferensia Imprensa ne’ebe hala’o iha sala Komferénsia Vice (PM) Farol, Sexta (24/05/2024)

Governante ne’e afirma, Tinan ida nia laran Ministériu hotu-hotu ne’ebe lidera husi Primeiru-Ministru Kay Rala Xanana Gusmão, primeiru sira konsolida iha ida idak nia fatin kordenasaun servisu ho instituisaun Publiku (IP) no Empreza Publiku (EP) sira inklui kordenasaun trabalhadu ho Banco Nasionál Comersiu de Timor-Leste (BNCTL sigla Portugués) no Banco Central de Timor-Leste (BCTL) liu-liu liga ba serbisu jestaun ekonomia iha Timor-Leste, Tenik nia.

“IX Governu hala’o ona asembleia hodi atinje adezaun Timor-Leste nian ba WTO no konsege hetan rezultadu Timor-Leste sai nu’udar full member termina ho tinan hitu deit (7), Governasaun ida ne’e mos hala’o ona konektividade Telekomunikasaun fribra otika”.

Aleinde ne’e mos nonu Governu Konstitusional hala’o ona konektividade ba aero Dili, nune’e ba futuru Governu sei hala’o mos konektividade ba setor privadu sira, tamba politika Governasaun dasia nian, hakarak dudu mediu pequenu empreza sira ba oin, sei la envolve atividade ida ne’ebe mak Governu hala’o liuliu ba asuntu ekonomiku la envolve setor privadu sira.

Entertantu, Vise-Primeiru Ministru mos hatan ba preokupasaun Públiku nian kona-ba ekipa konjunta ida husi Komisaun Anti Corupsaun (CAC sigla Portugués) no Komisaun Funsaun Publiku (CFP) ne’ebe hala’o buska ba Ministeiru Komersiu Industria (MKI).

“Funsaun Públika no Komisaun Anti Korupsaun nia kna’ar ida ne’ebe diak, ita respeitu bainhira hala’o inspesaun ba linhas Ministeriais sira, maibe ekipa konjunta ne’e hala’o deit fiskalizasaun ba funcionáriu sira kona-ba disiplinar pessoal no funsionariu publiku kada Ministeiru”. Nia informa

Nia haktuir, Komisaun Anti Korupsaun mos hateten katak, bainhira funsionariu publiku sira la serbisu tuir orden ka hirarkia iha instituisaun maka sei hetan sansaun tuir lei ne’ebe vigor iha Timor-Leste hodi garante boa Governasaun iha nasaun Repúblika Demokrátika de Timor-Leste (RDTL).

“Iha mundu tomak inklui nasaun Timór-Leste presija serbisu ho diak hodi serbi povu, tanba ne’e prezensa (CAC) no Funsaun Publika nian iha Ministeiru Komersiu Industria, atu bele fanun funsionariu publiku sira iha linhas ministeriais sira hodi servisu ho diak, laos sira ba tamba iha krime ruma”. Nia dehan

Vice-Primeiru Ministru salienta, publiku labele panik ho prezensa ekipa konjunta ida husi CAC no CFP, Tamba funsionariu no dirijente sira iha instituisaun Ministeiru Komersiu Industria la komete krime korupsaun ruma hasoru sistema funsionamentu iha Ministeiru Komersiu Industria nia laran, CAC hala’o kontrolu de servisu deit tuir kna’ar ne’ebe sira iha.

“Maluk sira, ita labele panik ho prezensa Komisaun Anti Korupsaun no Komisaun Funsaun Publiku iha Ministeiru Komersiu Industria, tamba ita nia maluk funsionariu no kargu Ministru no Xefia sira la komete iha krime korupasaun ruma”.

Liga ba problema saúde, Primeiru Ministru Interinu ne’e dehan, governu kontinua buka dalan no rezolve problema saúde liu husi ministériu saúde, karik ai-moruk laiha jornalista sira bele ba chek no apresenta faktu sira, nune’e públiku bele hatene.

Jornalista : Ermelinda Soares