Posse Ba Parlamentu Foinsa’e 141 ! MJDAK : Foinsa’e Tenki Prepara An, Lae La Vale
SAPNewsTL, Dili : Ministériu Juventude Desportu Arte no Kuktura (MJDAK) liu husi Diretor Jeral fo ona tomada de posse ba membru Parlamentu Foinsa’e Nian (PFN) ba periodu 2024-2026.
MJDAK Nelyo Isaac Sarmento haktuir Parlamentu Foinsa’e Nian (PFN) hanesan espasu ida husi estadu Timor Leste hodi prepara nia ema kontribui ba dezenvolvimentu nasionál
“Parlamentu Foinsa’e hanesan espasu ida husi estadu ida ne’e, iha ne’ebe atu prepara nia ema, to’o tempu ida bele kontribui ba prosesu dezenvolvimentu nasaun nian”. Tenik MJDAK Nelyo Isaac Sarmento liu husi nia diskursu iha salaun multifunsaun GMN, 12/12/2023
Nelyo Isaac husu ba foinsa’e sira hodi prepara an ho didiak hodi lori nasaun ba oin tanba se la prepara an mak sei la vale buat ida iha futuru.
“Programa Parlamentu Foinsa’e laos deit prepara joven sira, maibe halo imi mos tenki prepara an hodi lori rai ida ne’e ba oin, orgullu ba imi, ami iha esperansa imi bele lori rai ne’e ba oin ho diak, kuandu imi la prepara an mak imi sei la vale buat ida”.Nia Hateten
Iha fatin ne’e, Presidente Conselho Nacionál Juventude Timor Leste (CNJTL) Maria Dadí Magno konsidera Parlamentu Foinsa’e nakonu ho oportunidade, atu aprende kona ba lideransa, prátika demokrasia no aprende oinsa hola papel importante iha familia, igreja no nasaun
“Parlamentu Foinsa’e nakonu ho oportunidade, atu aprende kona ba lideransa, prátika demokrasia no aprende oinsa hola papel importante iha familia, igreja no nasaun, kaer metin prinsípiu demokrátiku, voluntarismu, sivismu, transparansia no responsabilidade”. Dehan Presidente CNJTL
Lider CNJTL ne’e mos husu ba joven sira atu sai joven ne’e krítiku, analitiku no kontributivu iha prosesu konstrusaun estadu Timor Leste.
Presidente Alumni Parlamentu Foinsa’e Timor Leste (APFTL) Zaulino Gomes da Silva haktuir Parlamentu Foinsa’e hanesan espasu ida husi estadu hodi prepara futuru lider kualidade
“Alterasaun dahuluk rezolusaun guvernu nú. 47/2017, 16 de Agustu, Espasu Parlamentu Foinsa’e hanesan espasu aprendijajem, forum debate asuntu sira ne’ebe liga ho asuntu joven ninian, guvernu prepara hela atu prepara futuru lider kualidade”
Lider APFTL ne’e akresenta, “Parlamentu Foinsa’e mos halo debate ba kestaun sira hanesan Juventude iha eduksaun, saude, seguransa, empregu no partisipasaun sivika foinsa’e sira nian”. Nia sublinha
Zaulino mos informa katak foinsa’e sira ho idade 12-17 hamutuk 2149, entre sira feto okupa 73% no mane 27% signifika partisipasaun feto maximu iha prosesu eleisaun ba konkore parlamentu foinsa’e hamutuk 142 husi feto 71 no mane 71, membru hirak ne’e representa kada postu administrativu feto ida no mane ida iha territoriu nasonal.
Enkuantu, Partisipa iha serimonia tomada de posse ne’e hamutuk 141 ne’ebe eleitu demokratikamente husi kampanha no eleisaun ne’ebe halo iha loron 14 Novembru 2023. Entre sira Feto ida husi Postu Administrativu Cailaco Munisipiu Bobonaru mak la partisipa tanba laiha disponibilidade.
Serimonia ne’e marka presenza mos husi Membru Parlamentu Foinsa’e 4⁰ periodu, familia sira husi membru parlamentu foinsa’e 5⁰ periodu, inklui konvidadu sira seluk husi UNICEF, CNJTL, MJDAK no Membru APFTL sira
Jornalista : Ermelinda Soares & Conzita Mota