PR Fornese Ai-Han Saudável Ba Estudante LABEH
SAPNewsTL, DILI– Presidente Repúblika liu husi programa Dapur ba Povu, fornese aihan ba estudante sira iha Eskola Internasional Lalenok Ba Ema Hotu(sigla LABEH).
Programa ai-han saudavel ne’ebe presidente Republika fo naran Dapur Ba Povu ne’e ho nia objetivu atu hasa’e nutrisaun ba labarik sira no luta ba hamenuz probela raes badak ne’ebe alkansa ona 48% iha Timor-Leste.
“Iha programa ida, Prezidenti Republika fo naran dapur ba povu, komesa tinan ida liu ona iha kantina matak palasiu Prezidente nian, nia objetivu labarik sira tenke han hahan saudavel no iha nutrisaun diak”.
“Enkuantu dapur ba povu ida(1), Iha palasio Prezidente , no segundu(2), iha Hera. Iha mos dapur ba povu iha palasio Prezidente ne’ebe 350 ba labarik sira han, no iha Hera atus rua (250), agora kontinua iha eskola LABEH labarik ho estudante 112 ne’ebe mak lor-loron bele han iha ne’e tanba Prezidente Republika nia hakarak labarik sira tenke han saudavel”.Dehan Asesora Iram Saeed ba jornalista sira iha salaun LABEH,Segunda-feira(04/03/2024)
Iha fatin hanesan, diretor LABEH Crishtopher Hanry Samson senti kontente tebes tanba Prezidente Repúblika bele implementa nia programa kona-ba dapur ba povu tanba tuir peskiza Timor-Leste iha pursentu 48% konsidera malnutirisaun.
Nia esplika katak dapur ba povu programa prinsipal Prezidente nian ne’ebe iha palasiu prezidente komesa ona fo hahan diak no iha nutrisaun ba labarik ho inan isin rua sira no inan ne’ebe fo susu kuaze atus tolu resin loron-loron.
“Bainhira iha Lalenok ba Ema Hotu (sigla LABEH), estudante ladun barak iha deit 100 resin tanba ne’e lalenok ba Ema Hotu LABEH hakarak agradese ba Prezidente tanba bele implementa programa dapur ba povu iha eskola LABEH” nia hakotu
Jornalista : Ermelinda Soares