Presidente ATR-TL Pe. Anselmo Afirma Sei Desenvolve Sítiu Turistiku Iha TL
![](https://sapnewstl.com/wp-content/uploads/2022/06/index-94.jpg)
SapNewsTL, Dili : Presidente Asosiasaun Turismu Religioju Timor-Leste(ATR-TL) Pe. Anselmo Salsinha hateten sei servisu hamutuk ho Autoriedade Lokal no Joven sira hodi desenvolve sítiu turistiku sira iha Teritóriu Nasionál inklui loke kompetisaun ba joven sira kona ba turismu
Kompetisaun ne’e halo tinan tolu ona no agora daudaun USAID FOR ALL entrega fali ida ne’e ba iha asosiasaun Asosiasaun Turizmu hanesan Relijisiozu Katólika, Protestante, Islam, no Indu inklui sira seluk
“Ita hanoin katak asosiasaun turizmu Religiaun sei halo iha munisipiu hotu, nune’e joven sira ne’ebe koalia kona ba beleza Historia, Natureza iha munisipiu ida-idak, ita sei halo kompetisaun iha munisipiu hotu no haree ba ida ne’ebe mak liu sei lori mai iha Dili”. dehan Presidente Asosiasaun Turismu Religioju Timor-Leste(ATR-TL) Pe. Anselmo Salsinha, Dili, 28/06/2022
Joven Timor oan sira ne’ebe bele hatene no koalia kona ba rikusoin ne’ebe sira iha, sira mos bele kontenti, bele dezenvolve buat sira ne’ebe beleza kultura natureza rasik iha sira nia moris
“Ita iha turismu religiozu sira ne’e ita atu dezenvolve ba sítiu sira no hamutuk ho jovens, Xefi Suku, Xefi Aldeia sira, Autotidade Lokal sira hotu, nune’e bele halo buat ida tenke konkretu, ita iha forsa atu dezenvolve ho diak tanba ita iha trabalhu komunidade.” Dehan nia
Agora dadaun Ministériu Turimu halo hela Master Plan no parseria sira sei dezenvolve hela planu mestre kona ba ninia jestaun
“Ita nia regras ho dekretu ministériu ninian atu halo jestaun ne’ebe diak tanba ita seidauk iha lei ida husi ministeriu, iha master planu no markasaun ida ba baliza, Asosiasaun nia servisu ne’e parseiru maibe agora dadaun ne’e ita nia serbisu atu ajuda serbisu hamutuk tau prioridade oinsá mak halo manutensaun, agora ita la’o ona hanesan Ramelau, Cristu Rei iha ona master planu atu hein deit aprova no hein deit sira loke tenderizasaun”. Nia informa
Enkuantu, Asosiasaun Turismu Religioju Timor-Leste(ATR-TL) sei hala’o peskiza dadus levantamentu nian husi joven sira mak halo ona iha munisipiu lima hanesan Ainaru nian mak fokus ba Ramelau no Ermera nian fokus ba iha Nain Feto Peregrina Fatubessi, Manatutu nian mak Soibada, Dili nian mak fokus ba iha Cristo Rei no Saun João Paulo II nian agora implementa ona no planu atu fo treinamentu ba joven sira.
Jornalista : Aquelina Magalhães