Povu Abandona Natar Iha Bobonaru, Guvernu Promete Hadia Irrigasaun

SAPNewsTL, Bobonaru: Munisipiu Bobonaro ne’ebe ho forma kuda ulun nia komunidade sira iha Postu Administrativu Cailaco ne’ebe potênsia tebes ba produsaun hare, maibe oras ne’e daudaun produsaun hare tun no Komunidade abandona natar sira tanba kauza husi bee laiha no mota estraga natar sira

Xefe suku Meligo Amancio Barreto da Conceição hateten “Ha’u nia rekomendasaun ba Ministru Agrikultura se bele hare ami nia intek ruma husi lokasi agrikultura marco nian se bele halo didiak.”Dehan Xefe Suku ba Jornalista SAPNewsTL iha Suku Meligo, Cailaco,24/09/2023

Nia salienta katak natar sira sei maran bainhira Ministériu agrikultura la prepara kondisaun no bainhira tempu udan be’e sei sobu natar sira

“Se la prepara kondisaun ba ita nia be’e dalan ne’e natar sei maran, no kuandu tempu udan estraga, tanba lo-loron ita nia agrikultura sira ba hasa’e be’e deit ne’e difisil los be’e halai mai natar tanba bainhira dader sira ba hasa’e loraik be’e komesa sobu fali” Nia husu

Responde ba kestaun irrigasaun Ministru Obra Públíkas (MOP) Samuel Marcal hateten katak irrigasaunkuaze att hotu no ne’e sai planu prioridade hodi rejolve lalais

“Irrigasaun kuaze att hotu ne’e sei fo hamlaha ba ita nian povu sira tanba ne’e mak ha’u hanoin ne’e sai prioridade, ita bele rejolve irrigasaun ne’e para tempu mai sira bele halo sira nia natar”Dehan Ministru obra Publika(MOP), Samuel Marcal ba Jornalista sira hafoin Presidente IGEADI simu tomada de posse

MOP informa katak tempu badak sei asina kontratu ho kompanha hamutuk 37 hodi normaliza fila-fali irigasaun no natar ne’ebe mak iha malian kuaze hela deit metru ida(1), ou rua(2), ba mota sobu

“Hanesan iha Manatutu mota tama hodi sobu natar sira ne’e sai att hotu iha Maliana nia komesa hela metro 1 ou 2 para mota atu sobu ita tenke antisipa lailais para proteje”.

“Equipamentu husi governu la to’o maibe ita nia kompanha sira ita bele halo kontratu kontratu hare’e tok oinsa sira bele ba halo servisu.prosessu hela no hau hanoin iha tempu badak sei assina kontratu ba kompanha hamutuk 73 para atende lalais emergensia sira ne’e.nia informa

Enkuantu, Presidente Instituto Gestão Equipamento e Apoio Dezenvolvimento Infraestrutura (Sigla Portugues(IGEADI), aktual Ana Paula Da Cruz informa katak IGEADI tenke servisu hamutuk ho agrikultura bainhira ko’alia kona ba irrigasaun

“IGEADI sei servisu ho Ministériu Agrikultura wainhira ita koalia kona ba irrigasaun, proposta ruma ita tenke haree”. Presidente IGEADI Subliña

Tuir Observasaun Jornalista SAPNewsTL iha Munisipiu Bobonaro nota katak Bobonaro hanesan Munisipiu ne’ebe Identiku ho natar maibe kauzu husi laiha bee, falta irrigasaun no barragem difikulta produsaun agrikola liliu produsaun hare menuz ba beibeik

Jornalista : Marcela Mery da Costa