Ana Paula Substitui Ermenegilda Laurentina, Lidera IGEADI

SAPNewsTL, DILI- Ana Paula da Cruz, substitui ona Presidente Institutu de Gestao Equipamentos e apoio ao Dezenvolvimento infraestrutura (IGEADI), nia haktuir sei hare ba servisu sira ne’ebe mak iha prioridade.

Presidente aktual Ana Paula Da Cruz hateten nia sei tau prioridade ba servisu no sei kontinua servisu ne’ebe mak presidente sesante Hala’o durante ne’e

“Ohin sira entrega servisu anterior ne’e mai konselho foun, ba oin hau sei hare servisu sira ne’e para hau deside nia prioridade saida mak sei halo, buat ne’ebe mak halo ona ita sei kontinua, no ida ne’ebe mak seidauk los ita aumenta hodi hadia para halo los, no ida ne’ebe mak iha ona ita kontinua hodi halo”Dehan Presidente aktual Ana Paula Da Cruz ba Jornalista sira iha edifisiu IGEADI,Segunda-feira(25/09/2023)

Nia haktuir katak iha nia mandatu nia sei halo estrada foun karik nia simu pedidu sira husi suku

“Agora daudaun ita hanoin katak povu ne’e seidauk sente ukun ann, saida mak hau sei halo iha mandatu foun ida ne’e, konserteja estrada foun bainhira pedidu husi suku sira hau tenta para povu ne’e sente ukun ann ida ne’e” nia informa

Nia salienta katak relasiona ho irrigasaun IGEDI sei servisu hamutuk ho Ministeiru agrikultura bainhira simu proposta ruma

“IGEADI tenke servisu hamutuk ho Ministériu Agrikultura bainhira ita koalia ba irrigasaun atu nune’e bainhira proposta ruma, ita tenke hare ba irrigasaun ne’ebe mak Ministru mensiona” nia sublina

Iha fatin hanesan Ministru Obra Publika(MOP),Sameul Marcal haktuir katak ho Presidente ne’ebe mak foun bele fo nia kontribuisaun no bele mai ho programa ne’ebe mak foun no servisu hamutuk ho unidade

“Primeiru ne’e nia mandatu remata ona no tau ema foun para hotu-hotu iha opportunidade. Primeiru tau ema foun para hotu-hotu bele fo nia Kontribuisaun no segundu bele mai ho hanoin foun, programa foun no importante mak sira bele akumula malu, servisu hamutuk para instituisaun bele la’o hodi servi ba ita nia povu nia nessesidade ne’ebe mak agora akontese iha baze.” Ministru Obra Publika informa

Aumenta mos husi Presidente Sesante IGEADI Elemenegilda da Costa Laurentina, nia parte agradese ba konfiansa ne’ebe VIII Guvernu Konstitusional atribui ba nia, to’o mandatu ne’e remata, ohin nia entrega fali ba Presidente IGEADI foun

“Ohin iha Presidente IGEADI no Ministériu Obras Públicas nia oin, Ha’u entrega Relatóriu ne’ebe durante mandatu desde VIII Guvernu Konstitusional fo ne’ebe mak hala’o to’o ohin”. Eis Presidente IGEADI Ermenegilda da Costa Laurentina hateten

Enkuantu, Serimónia tomada de posse ne’e partisipa husi Ministru Obras Públikas Samuel Marçal no funsionáriu IGEADI

Jornalista : Marcela Mery da Cost