Xefe Suku Meligo Husu Feto Brani Kandidatu An, Amancio : ‘Ha’u Prontu Apoia’

SAPNewsTL, Bobonaru: Relasiona ho Eleisaun Líderansa Komunitáriu ne’ebe sei realiza iha loron 28 Fulan Outubru tinan ne’e, Xefe Suku Meligo, Amancio Barreto da Conceição hatete, feto sira tenki brani kandidata an ba Xefe Suku tanba poder ne’e povu mak sei determina

“Ha’u husu ba feto sira atu kandidata an ba Xefe Suku, tanba poder ne’e povu mak determina, maske la fasil maibe sira tenki koko hamrik hodi hatudu katak ‘ami mak ne’e’, hafoin ami sei apoia”. Tenik Xefe Suku Meligo, Amancio Barreto da Conceição ba SAP News TL iha Suku Meligo, Postu Administrativu Cailaco, Munisipiu Bobonaro,24/09/2023

Xefe Suku Meligo, Amancio Barreto da Conceição akresenta, poder ne’e mai husi komunidade sira, entaun ema se ne’ebe hakarak atu servi tenki hola parte iha prosessu kandidatura hodi konkore

“Ukun ne’e mai husi komunidade sira, se mak hakarak servi, nia tenki hola parte iha prosessu kandidatura”. Nia subliña

Lider Suku Meligo ne’e mos aprofunda, Nia parte seidauk hatene kandidatura sira ne’ebe sei konkore iha eleisaun suku tanba seidauk registu, maibe iha ona Informasaun balun katak nain 4 mak sei kandidata an

“Balun mak hahu hanoin ona atu kandidata an, maiz ou menuz nain 4 hanesan ne’e, Ha’u mos sei rekandidata an, Ha’u prontu nafatin hodi servi komunidade, maibe depende ba populasaun sira ne’ebé fo Konfiansa”. Nia informa

Suku Meligo Kompostu husi Aldeia haat ho populasaun por volta de 3.000 ital, entre sira maioria hela iha Postu Cailaco villa inklui balun iha area rura

Eleisaun Xefe Suku sei realiza iha loron 28 fulan Outubru, maibe lista kandidatu xefe suku kandidatura sira sei submete iha loron 13 Fulan Outubru tinan 2023

Tuir Observasaun Jornalista SAPNewsTL nota katak Eleisaun Líderansa Komunitáriu ne’ebe mai daudaun ne’e maioria juventude sira hahu deklara ona sira nia kandidatura hodi konkore iha eleisaun suku

Jornalista : Marcela Mesquita Lemos