Realiza Kompetisaun Maskote ! UNTL Promove & Dezenvolve Kreatividade Estudante
Imajem : Vise Reitor UNTL Dra. Lígia Tomás Correia Hamutuk Ho Estudante Juri Sira iha Kampus UNTL, 25/10/2024.
SAPNewsTL, Dìli : Universidade Nasionál Timor Lorosa’e (UNTL) liu husi nia Vise Reitora Asuntu Estudantil realiza kompetisaun modalidade Maskote ba estudante hamutuk sanulu resin tolu (13), Vise Reitora UNTL Lìgia Tomas Correia parabeniza manan na’in sira tanba konsege hetan rezultadu diak no hatudu ida-dak nia talentu.
Vise Reitora Asuntu Estudantil UNTL Lígia Tomas Correia hateten atividade extra-kurrikular ne’e hanaran jovens talentos, programa ne’e mai husi inisiativu gavinete asuntu estudantil nian ho objetivu atu hasa’e kreatividade no kapasidade estudante sira nian iha UNTL.
” Kompetisaun Maskote ne’e atividade ida husi Vise Reitora Asuntu Estudantil ne’ebé realiza hodi promove no desenvolve talento, kreatividade no kapasidade estudante sira nian iha UNTL inklui atividade sira hanesan diskursu pùbliku, debate públiku, no seluk tan”.Tenik Vise Reitora Asuntu Estudantil UNTL Lígia Tomas Correia ba SAPNews iha Kampus UNTL Kaikoli, 25/10/2024.
Vise Reitora hatutan primeiru lugar okupa husi Fakuldade Medicina Ciensia da Saùde (FMCS),segundo lugar Fakuldade Turismu Arte industriais Kreativas e kulturais (FTAICC), terseiru lugar Fakuldade Agrikultura (FAGRI), Kuartu lugar Fakuldade Enjenharia Ciensia e Tecnolojia (FECT), kintu lugar Fakuldade Ciensia Ezata (FCE).
“Deseña maskote ne’ebé manan ona primeiru lugar FMCS, segundu lugar FTAICC no terceira lugar FAGRI, Kuartu lugar FECT, Kuintu lugar FCE, imi nia kontribuisaun nafatin importante, sira nain lima nia kreatividade no ideia hamutuk kontribui ba UNTL”.Nia sublinha
Imajem : Kompetisaun Maskote, Dezenhu Ne’ebe Kategoria Primeiru Lugar.
Lideransa Feto UNTL ne’e informa, “Atu tama ba tinan 25 maskote, ita hahú prepara daudaun ona, ema ida mak sei representante UNTL maibé estudante sira nia obra ou kreatividade ideia ida ne’e mak hakarak explora representa estudante UNTL”. Nia fundamenta
Lígia Tomás Correia fo parabens ba manan na’in sira hotu tantu sira ne’ebé la hetan klasifikasaun iha kompetisaun maskote.
“Parabens no agradese tebes ba imi hotu manan ka lakon ida nee imi nia tempu atu exploka no hatudu imi ida-idak nia talentu”. Nia dehan
Enkuantu, partisipa iha kompetisaun maskote ne’e mai hosi reprezentante estudante fakuldade sira ne’ebé possivél, kompostu hosi estudante hamutuk sanulu resin-tolu (13).
Jornalista : Dircia Baptista Belo