Relata Programa Tolu Ba PM Taur, MESSK Sei Implementa Bolsa Ba Kada Postu

SAPNewsTL,DILI-Iha kinta-feira orseik, Ministru Ensinu superior Sensia no kultura(MESSK),Longuinhos dos Santos hasoru malu ho Primeiru Ministru(PM) Taur Matan Ruak iha Palasiu Guvernu, Objetivu husi sorumutu ne’e hodi relata programa tolu ne’ebe mak MESSK sei halo iha tinan 2023 nian

“Implementasaun programa no sub programa iha tinan 2023 ba primeru trimestral ninian, MESSK iha programa tolu (3) husi programa no sub programa, atividade hirak ne’e prejisamente ita tenki trasa ona para atu bele implementa saida mak atu halo iha primero tremistral”.Dehan Ministru Ensinu Superior Siensia no Kultura,Longuinhos dos Santos, ba jornalista sira hafoin remata sorumutu ho PM iha, palasiu governu, Kuita-feira(19/01/2023)

Nia salienta katak programa MESKK nian mak primeiru rekrutamentu ba estudante ensinu superior publiku UNTL no IPB
“Iha primeru trimestral ne’e ita la’o maka rekruta estudante sira ne’ebe mak atu tama ba ensinu publiku hanesan UNTL no IPB, tuir mai mak Ita sei implementa Kona ba bolsa hakbit, ne’ebe mak sei rekruta iha teritorio Timor laran tomak no ita Nia ekipa tun dereita ba munisipiu no mos ba posto adminsitrativu, tuir mai mak bolsa parseal, bolsa meritu, bolsa ba dosente ba universidade privadu sira”nia tenik

Entertantu, governante ne’e haktuir katak primeiru ministru fo orientasaun ba MESKK hodi hala’o mellores servisu iha tinan 2023 no tuir programa ne’ebe mak MESKK iha

Enkuantu, daudaun ne’e MESSK anunsia ona bolsa kbiit laek, bolsa meritu, bolsa parsial liu husi pajina facebook MSSK nian, tuir planu aplikante sira sei submete dokumentus ba kada postu administrativu sira, antes ne’e MESSK mos informa naran admitidu tama UNTL no IPB sei publika iha fulan oin
Jornalista:Antonio Tilman