S-TRABALIAN Konsidera Lei Ba Trabalhador Fraku, Trabalhador Hakdasak Ho Saláriu $115 Dolar

Imajem : Traballadora Trabalian Nercia de Araujo, Farol Dili, segunda-feira(01/05/2023)

SAPNewsTL, Dili: Iha ambitu Komemora loron traballador Munidial, S-TRABALIAN hala’o dialogu ho tema Haforte Relasaun Politika no ideolojia Membru S-TRABALIAN, Presidente Sindikatu Trabaliador ba Libertasaun Nasional(S-TRABALIAN),Julito Benevides hatete organizasaun politika ne’e luta no liberta povu ploretario-trabalhador kamponezes kiak sidade, feto LGBT husi esplorasaun ho kualker forma injustu ne’ebe hari’i estadu ditadura proletariu

Tuir Presidente Sindikatu Trabaliador ba libertasaun Nasional(S,TRABALIAN), Julito Benevides haktuir, “Objetivu loron ida (1) fulan maio sai hanesan loron importante ba Trabalhador hotu iha mundu, Maibe sindikatu trabaliador ne’ebe halo diskusaun hamutuk ho serbisu nain sira hanesan numero ne’ebe la boot maibe iha esperansa ba oin iha trabalhador barak ne’ebe sei mai tan, ho serbisu advokasia ne’ebe ami halo atu lori trabalhador sira ba koinhese saida mak sindikatu trabalho sira halo,”Dehan Presidente sindikatu Trabailian,Julitu Benevides ba Jornalista sira iha, Farol segunda-feira(01/05/2023)

Benevides salienta haree kona ba serbisu trabalhador durante ne’e hasoru iha serbisu fatin hetan terminasaun serbisu lakon serbisu, Laiha kontratu serbisu, serbisu iha oras barak entaun organizasaun Sindikatu sai hanesan mahon ida halibur trabalhador sira mai para atu koalia Sira nia kondisaun real ne’ebe Sira hasoru iha fatin ne’ebe sira serbisu ba, Dehan nia.

“Impaktu ne’ebe trabalhador sira hasoru maka lei ba Trabalhador fraku tebes, ne’e hatene katak investor internasional ne’e bainhira mai investe iha Timor tenki hare uluk ita nia estabilidade politika ne’e primeiro, tenki mos hare ita nia trabalhador sira nia salario ne’ebé kada fulan, aproveita Lei ne’ebé Fraku ho Trabalhador nebe salario kiik sira mos bele investe no mai atu esplora ita nia trabalhador”Tenik nia

Presidente Sindikatu Trabaliador ba Libertasaun Nasional(S-TRABALIAN), Julito Benevides

Presidenti (S,TRABALIAN) Hatutan, Tuir lei ema ne’ebe tama serbisu bainhira hetan kontratu nia serbisu mak rendimentu diak ba konpanhia tenki hare mos ba nia rendimentu bainhira nia hatama lukru barak ba konpanhia tanba iha hare 150 dolar la sufisiente, la hatene Estadu uza materia saida mak hasae salario ba 150.

“Sindikatu trabalian Husu ba Estadu atu hare impregador lokal ne’ebe fo serbisu ba ema viola Direitu Trabalhador, nia tenki fo penaliza ba nia, lae fo blacklist ba nia konpanhia para nia labele kontinua lori nafatin explora Trabalhador sira, atu nune inpregador sira mos respeitu serbisu Trabalhador nian”haktuir nia

Nia akresenta tan “estadu Timor Leste mak sai hanesan ai-rin hodi bele asegura nia sidadaun, karik Estadu todan liu ema Osan nain Sira mak konsekuensia iha nia Trabalhador Sira sofre ba kondisaun Estadu nian,uniko Estadu maka iha kompetensia, halo Lei Para bele fo moris diak ba povu, tanba ita Hatene katak Lei ne’ebe Durante Tinan 20 Estadu produz ne’e la fo moris diak ba povu, lei ne’ebe iha ita konsidera hanesan krimi, tanba povu barak mak sei terus, Trabalhador barak maka serbisu to’o Mate laos patraun mak oho Maibe kondisaun mak la seguru no Laiha forsa entaun Sira tenki mate Estadu nia dever tenki hare ba buat sira hanesan ne’e.

Entertantu, Iha fatin hanesan Trabalian Nercia de Araujo  ne’ebe serbisu iha konpanhia Glariatu hatete, “agora dadauk tama ona ba tinan ida durante nia serbisu hala’o ho Diak no oras ne’ebe konpanhia fo hahu husi tuku hitu (7) dader to’o tuku hat (4),Salariu ne’ebe Trabalian ne’e hetan kada fulan ida 115, maibe uluk serbisu iha konpanhia estatistik kaer iha salario 13 iha maibe agora serbisu iha ne’e Laiha, iha Salario ida 115 dolar ba nesesidade loron loron la to’o fulan tanba agora Iha merkadu mos sasan folin sa’e depois Iha uma laran iha ema barak entaun osan hanesan uza la to fulan tenki Hotu ona”,nia sublinha

Enkuantu, Presidente Sindikatu Trabaliador ba libertasaun Nasional(S,TRABALIAN), no trabaliador Glariatu, Rekomenda ba governu presiza peskiza espesifiku ida relevante ho trabalhador sira nia nesesidade loron loron atu nune’e bele hasa’e salariu trabalhdor sira nian iha rai laran

Jornalista : Ermelinda Soares