Klube Emmanuel Konsidera Problema SLB, LFTL Kuda Match fixing

SAPNewsTL, Dili: Klube Emmanuel konsidera orgaun Liga Futebol Timor-Leste (LFTL) senti problema AD SLB Laulara ne’e buat kiik maibe ba klube sira halo match fixing iha liga epoka tuir mai tanba klube sira hotu hatene ona la marka prezensa iha kampu fo WO, hamenus pontu tolu no selu koima orsamentu montante 1000 USD.

“Problema Karketu Dili FC kontra AD SLB Laulara iha loron 21 fulan abril 2023 ne’e tuir ami hare’e orgaun LFTL sente problema kiik ida tanba AD SLB Laulara la marka prezensa iha kampu orgaun LFTL fo WO, hamenus pontu deit no selu koima orsamentu montante 1000 USD maibe orgaun LFTL kuda hela match fixing ba sira no klube sira ba oin bele halo klube hatene ona sira la marka prezensa iha kampu fo WO, hamenus pontu tolu no selu koima deit tuir lolos ida ne’e buat ladiak ida ami laos koalia AD SLB Laulara tenki hetan sansaun degrada ba divizaun daruak maibe ezistensia orgaun LFTL fo impaktu ba iha liga ida ne’e”, dehan asitente treinador Emmanuel FC Van Basten ba jornalista sira iha Estadium Munisipal Dili domingu (30/04/2023).

Asitente treinador hatutan, klube sira hatene ona karik ba liga epoka oin mai sente seguru ona bele fo oportunidade ba klube seluk manan WO depois kampiaun tanba sei koa pontu no selu koima deit maibe sira husu orgun LFTL hadia ba epoka tuir mai atu nune’e orgaun LFTL nia seriodade ba organiza liga labele governu aprova orsamentu orgaun liga mai jere liga los ona ne’ebe ba ida ne’e sira nia klube ladun satisfaz maibe problema ne’e sira entrega ba orgaun liga mak hatene buat sira ne’e.

Bastian informa tan, sira mos husu orgaun LFTL bainhira liga ne’e la’o hetan kampiaun ne’e depois klube balun sei joga utiliza kriteria profesional baibain halo liga ne’e labele halo hanesan sira nia jogu ikus ne’e kontra Aitana kriteria profesional hanesan baibain hare’e jogador sira nian naran la halo.

Nia husu, sira rekomenda ba orgaun LFTL ba liga epoka tuir mai hadia sistema finansiamentu, arbitrajen, kampu tenki preparadu no buat sira seluk tan labele aranka deit maibe kampu mos la preparadu fo impaktu ba kualidade jogu tuir lolos tinan barak orgaun LFTL hala’o liga ne’e hatene ona no sira fiar orgaun LFTL sei halo diak liu tan.

Iha loron 27 fulan abril 2023 liu husi konferensia impresa koordenador jeral LFTL Octavio da Conceicão dehan, sira fo sansaun ba AD SLB Laulara bazeia ba artigu 13 kompetisaun sura pontu alinea 4 ne’ebe sira tetu didiak ona no konsultasaun ba komisaun etika dixiplina FFTL liu husi konsellu judisional LFTL nian nune’e desizaun ne’e final ona la intervensaun husi parte datoluk.

“Ami fo sansaun ba AD SLB Laulara la marka prezensa kontra Karketu Dili FC iha loron 21 fulan abril 2023 ne’e ami bazeia artigu 13 kompetisaun sura pontu alinea 4 iha regulamentu ba kompetisaun Liga Timorense ne’ebe ami tetu no análiza didiak ona no konsultasaun ba komisaun etika dixiplina FFTL liu husi konsellu judisional LFTL nian nune’e desizaun final ezekutivu orgaun LFTL nian la iha intervensaun husi parte datoluk ida ne’e justu no parsial no tane as prinsipiu fair play no lei jogu nian”, tenik koordenasaun.

Iha sorin seluk match commissioner Liga Timorense epoka 2023 Martinho Ribeiro hatete, antes jogu hahu ne’e sira sempre halo kriteria profesional ba jogador sira ne’ebe Emmanuel FC kestiona dehan sira la haree lista jogador sira ne’e la iha tanba iha momentu ne’e naran jogado sira husi klube Aitana ho Emmanuel FC ne’e sira mak print fo ba klube rua vistu jogador.

“Antes jogu hahu ne’e sira sempre halo kriteria profesional baibain ami halo ba klube sira hotu hanesan hare’e naran no jogador sira iha nia fatin ne’ebe jogu Emmanuel FC kontra Aitana FC ne’e ami utuliza kriteria profesional baibain ita halo ne’ebe klube kestiona dehan ami la halo kriteria profesional jogu nian la iha tanba momentu ami mak print jogador sira nia naran fo ba treinador vistu jogador sira nia naran ba klube Emmanuel FC ho Aitana hanesan”, Martinho hateten 

Reportajen: Augusto dos Santos