Imajem : Fundasaun Ahisaun ( FA) hamutuk ho SEFOPE Alarico do Rosario hala’o Inaugurasaun ba ponte, moru no kios ba sentru Ema ho defisiensia ( EhD), iha sede radiu komunidade defisiensia Fatuhada, Dili tersa (7/02/2023).
SAPNewsTL, Dili: Fundasaun Ahisaun (FA) no Sekretariu Estadu Formasaun Profisional no Empregu halo inaugurasaun ba ponte, moru no kios ba sentru Ema ho defisiensia ( EhD), nune’e bele fo asesu ba sira nia sentru.
“Objetivu ida ohin ne’e mak ita halo inagurasaun ba moru, ponte no kios ne’ebe inundasaun mai mai estraga, ohin ita halo lansanentu ba moru, ponte no kios ne’e mak hetan apoiu husi APTC no SEFOPE, Fundasaun ne’e ho nia objetivu maka atu tau matan ba ita maluk Ema ho difisensia sira ne’ebe mak moris husi terus, susar laiha asesu ba edukasaun”, dehan Diretor Fundasaun Ahisaun Domingos Talo Mau dos santos iha sede radiu komunidade defisiensia Fatuhada, Dili tersa (7/02/2023).
Diretor Fundasaun Ahisaun Domingos Talo Mau dos Santos
Diretor ne’e hatutan, Fundasaun Ahisaun hahu estabelese iha tinan 2000 ne’ebe funda husi Pe. Adrian Ola Duli, visaun no misaun maka atu hasa’e kapasidade ba ema ho defisiensia iha area edukasaun no formasaun, fundasaun iha programa tolu; edukasaun formal, edukasaun non formal no advokasia husi tinan 2008-2022 formasaun, kona-ba administrasaun hamutuk ema nain rihun tolu inklui ema ho defisiensia hamtuk atus rua, prosesu husi projetu, hahu husi tinan 2020 depois fatin ne’e hetan estraga, sira buka dalan oin-oin atu bele hadia, ponte ne’e maibe laiha solusaun, sira hasoru malu ho APTC apresenta sira nia situasaun sira ne’e ikus mai iha rezultadu
Nia husu ba parte relavante sira hotu katak ponte, moru no kios halo ona ne’e, maibe kondiasaun sira uma plafon sira mos at dadaun, fatin ba formasaun ladun luan, fatin ba mane sira mos laiha, ekipamentu eletronika menus, total orsamentu ne’ebe gasta ba projetu hetan apoiu husi APTC ho SEFOPE ne’e ho total 41,832.32 USD.
Entretantu, sira fo agradese ba SEFOPE ho APTC ba projetu konstrusaun foun ba ponte, moru protesaun no rehabilitasaun kios.
SEFOPE Alarico do Rosario
Iha Fatin hanesan SEFOPE Alarico do Rosario hatete, nia apresia tebes ba Fundasaun Ahisaun tau matan ba ema ho defisiensia, SEFOPE ho institusaun sira seluk ne’ebe halo ona ponte, moru no kios ne’e
“Ha’u apraseia tebes ba Fundasaun Ahisaun nia servisu ne’ebe makas hodi tau matan ba ema ho difisensia sira ne’ebé hetan apoiu rasik husi SEFOPE ho instituisaun sira seluk hadia ona ponte moru no kios maibe balun seidauk hotu maibe ohin loron konsege inagurasaun ona ponte, moru no kios ba ema ho difesensia sira, SEFOPE mos sei hamutuk ho instituisaun seluk no fundasaun ahisaun hodi tau matan mos ba iha ema ho difesensia sira ne’ebé mak seidauk hetan apoiu hanesan eskola no sasan material sira ne’ebé mak sira uza ba loron-loron nian”, nia afirma
Sekretariu Estadu akresenta, SEFOPE ho APTC ajuda hodi garante katak Timoroan ema ho Defisiensia bele asesu ba edukasaun no formasaun, sira kontenti tebes no suporta konstrusaun ida ne’e hodi ajuda ba asesu formasaun, hare’e iha area ema ho defisiensia nian asisti tebes ona no mane akompanha oinsa difikuldade ho obstakulu boot ida ema ho Defisiensia asesu ba edukasaun no formasaun
Jornalista: Antonio Tilman.