Sekretariadu Voluntáriu Sei Rekruta Foinsa’e 1.000, Apoia Igreja Simu Papa Francisco

Imajem : Sua Santidade Papa Francisco iha Vatikanu

SAPNewsTL, Díli – Relasiona ho preparasaun igreja katólika Timor-Leste nian hodi hein vizita, Sua Santidade Papa Francisco mai Timor Leste, iha loron 9-11 fulan Setembru tinan ne’e, Sekretariadu Voluntáriu ba Hadomi no Serví sei halo rekrutamentu ba pessoa voluntáriu hamutuk rihun ida 1.000.

Tuir koordenadór Padre Carlito da Costa de Araújo hateten, liu husi komunikadu imprensa, ida ne’e, Sekretariadu Voluntáriu ba Hadomi no Serví informa ba públiku katak, sekretariadu sei halo rekretamentu ba foinsa’e no kaben na’in sira ne’ebe ho voluntariu atu apoia servisu preparativus ba vizita Santo Padre Papa Francisco nian mai Timor-Leste.

“Ami husi ekipa voluntáriu hakarak informa ba belun foinsa’e sira mane no feto tantu kaben na’in sira ne’ebé maka ho espiritu joven hakarak kolabora ho ami ekipa voluntariadu ninian hodi rejistu, nune’e bele hala’o servisu ba preparasaun sira hotu ne’ebé maka ligadu ho vizitasaun Sua Santidade Papa Fransisco mai Timor-Leste” Hateten, Koordenador Padre. Carlito da Costa de Araújo ba Jornalista sira liu husi Komunikadu Imprensa ne’ebe hala’o iha Fatuhada, Domingu (02/06/2024)

Padre Carlito hatutan, nu’udar kordenador ba ekipa voluntariadu hakarak informa ba publiku katak sira sei halo rekrutamentu ba ekipa preparasaun ba vizita Papa Fransisco nian ne’ebe formadu husi parte liña kordenasaun husi igreza nian, ne’ebé maka lideradu husi Dom Virgilio do Carmo Cardeal da Silva nu’udar Prezidente komisaun organizadora ba vizitasaun sua Santidade Papa Fransisco mai iha Timor, Tenik nia.

“Amu husi ekipa sekretariadu hala’o Konferensia ida ne’e atu fó resposta ba preokupasaun tantu mós ezijensia no vontade husi foinsa’e sira no husi kaben nain sira ne’ebé maka hakarak hola parte iha ekipa servisu voluntariu ninian hodi apoiu igreja no Governu reforsa serbisu preparativu sira ne’ebe durante ne’e la’o hela iha area tasi tolu”.

Nia fundamenta, Sekretariadu hakarak anunsia ba publiku iha momentu ida ne’e ekipa voluntariu ninian, sei iha hela preparasaun sira ne’ebé maka ekipa koko atu finaliza iha loron ida (1) ou rua (2) nia laran, tanba ne’e maka iha tempu badak ofisialmente sei publika liu husi Google chrome ho rezistrasaun online via elektronik, ne’ebé sei husu voluntarizmu sira atu halo aplikasaun média elektroniku ka liu husi meius google chrome ninian.

“Ekipa husu deskulpa tanba iha loron hirak ne’e, iha preokupasaun barak ne’ebé hato’o mai ekipa no ami labele hatan ida por ida ba ita boot sira nia perguntas hirak ne’e, tanba ne’e liu husi komunikasaun ida ne’e ami hakarak hato’o ofisialmente ba ita boot sira katak iha loron ida (1), rua (2) ka tolu (3) nia laran ami sei anunsiu publikamente ba públiku kona-ba rezistrasaun servisu voluntariadu nian ne’ebé maka presiza ema hamutuk rihun-ida 1.000”. Nia deklara

Nia salienta ekipa balun ne’ebe mak daudaun ne’e hamutuk iha ne’e, agradese no orgullu ba prezensa, no vontade tomak, parte sekretariadu antusiasmu ba servisu voluntarizmu nian, espera depois de resgistrasaun hahu pessoa sira bele halo servisu tuir nia ba objetivu liu-liu ekipa bele halo preparasaun ne’ebé maka di’ak tebes husi parte igreza ninian,

Enkuantu, kona-ba rekrutamentu ba membru voluntariu ninian husi kada Dioseze sei prepara ema nain lima-nulu (50), tanba konsentrasaun ba iha vizita Papa Fransisco nian iha Díli, tanba ne’e rekrutamentu ba voluntariu sei konsentra liu ba sira ne’ebé maka hela iha Díli, maibe la taka posibilidade no oportunidade ba Dioseze sira hanesan, Maliana no Baucau ne’ebé maka hakarak hola parte ativu iha servisu voluntarizmu nian.

Entertantu, kriteriu ba servisu voluntarizmu ba ema sira ne’ebé iha espiritu no ema sira ne’ebé iha abilidade fizikamente hodi halo servisu, liu-liu ba ema sira ho idade sanulu-resin- ualu (18) too lima-nulu (50) hodi apoiu serbisu preparativu ba vizita Papa Fransisco nian.

Jornalista : João Marito