Selebra Tinan 25 Ordenasaun ! Dom Virgilio Husu Sarani Reza Ba Na’i Lulik Sira

Imajem : Bispu Na’in Tolu hamutuk ho jubilante no padre sira iha Salaun Parokia Maliana, 15/06/2024. Foto : Guilhermino da Cruz Ramos

SAPNews TL, Bobonaru – Selebra rekordasaun Jubileu de Prata Saserdotal. Padre Mouzinhu Pereira Lopes no Padre Lúcio Norberto de Deus ba dala 25, Dom Virgilio Cardeal do Carmo da Silva husu sarani sira, reja ba amu lulik Timoroan sira hotu.

Iha diskursu Dom Virgilio Cardeal do Carmo da Silva afirma, igreija katolika Timor-Leste (TL) laiha prezenti atu oferese ba amu lulik nain rua, maibé igreja nafatin firmi la sukat jubilante, Padre Lúcio Norberto de Deus no Padre Mouzinhu Pereira Lopes nia domin ne’ebe fó ona mai igreja durante tinan 25 nia laran, hala’o knaar nu’udar nai lulik hodi serbi uma kreda katolika ho loyal.

“Ohin ita hotu partisipa iha amu lulik nain rua nia selebrasaun Jubileu 25 anos. tamba ne’e mai ita hotu hamutuk liu-liu ba sarani fo familia sira husu imi nia tulun liu-liu imi nia orasaun reja ba nai lulik sira hotu, ne’ebe hala’o kna’ar sagradu hodi serbi uma kreda”. Informa Dom Virgilio Cardeal do Carmo da Silva liu husi nia diskursu iha Salaun Paroquial Maliana, Sabadu (17/06/2024)

Dom Virgilio Salienta, liu husi oportunidade ida ne’e nia hato’o apresiasaun boot ba amu lulik, Lúcio Norberto de Deus no Mouzinhu Pereira Lopes ne’ebe moris iha vokasaun amu lulik durante tinan 25 nia laran ho domin boot ne’ebe nakonu ho esperansa, Tenik nia.

“Iha biban kmanek ida ne’e ha’u hakarak hato’o ha’u dejeizu apresiasaun boot ba jubilante nain rua ne’ebe ohin selebra rekodasaun jubileu de Prata Saserdotal ba dala 25. Imi rua nia domin ba uma kreda hodi moris nu’udar nai lulik ohin kompleta maske obstakulu oi-oin iha vida sacerdotal,” nia hatutan.

“Hau hakarak parabeniza amu lulik Mouzinhu Pereira Lopes no Lúcio Norberto de Deus, tamba selebrasaun 25 anos nu’udar fonte uniku hodi sai maun boot ba alin sira ne’ebe lao tuir vokasaun nai lulik, liu-liu amu lulik joven sira hotu ne’ebe ohin moris iha vokasaun kreda nian. Iha biban ne’e mos ha’u hato’o agradese ba amu lulik nain rua tamba sakrifika ona imi nia a’an hodi hala’o serbisu uma kreda nian iha nivel paroquial, nivel Dioseze no iha nivel Komferénsia Episkopal nian”

Nia hatutan, fidelidade laos kolia kona-ba ba 25 anos vida saserdotal maibé fidelidade hare husi dezafiu sira ne’ebe durante tinan 25 nia laran amu lulik sira hatan ba nai, Maromak nia bolu hodi serbi uma kreda liu husi maromak nia mizerikordia. liu-liu iha momentu desperasaun ne’ebe desanima amu lulik sira nia vokasaun hodi halo sira lakon esperansa, maibé iha momentu sira hanesan ne’e mak koko amu lulik sira nia fé ba maromak

Imajem : Padre Mouzinho Pereira Lopes

Enkuantu, iha homilia Padre Mouzinhu Pereira Lopes hateten, kna’ar nu’udar nai lulik hasoru defeitu oin-oin iha misaun katolika maibé nia fiar deit iha nai jesus kristu hodi serbi kreda katolika univeral tuir maromak nia bolu.

“Ha’u deskobre objetu ne’ebe kiik diak liu kompara ho ida ne’ebe boot maibé nia kontinuasaun ba futuru sai paradu deit, nune’e hamosu desanima ba ita halo lakon esperansa. Bainhira ami rua padre, Lúcio Norberto de Deus hatan ba nai nia bolu hodi moris iha vida saserdotal hasoru defeitu oin-oin iha dalan vokasaun nian, ami nia familia sira hasoru problema maibé asaun sira ne’e nu’udar maromak nia deskobrementu ba ita nia vokasaun”.

Nia hatutan, konfiansa ne’ebe kreda atribui ona ba sira sai hanesan prezenti furak ne’ebe nai Maromak deside nanis ona iha dalan vokasaun espiritual nai lulik nian, tan ne’e familia hamutuk ho uma kreda hanoin fila fali kona-ba rekordasaun jubileu de prata saserdotal ba dala 25.

BIOGRAFIA Pe. Mouzinhu Pereira Lopes, moris iha Poerema Cailaco iha loron 28 fulan junho tinan 1968 oan husi Sr. Daniel Barreto Lopes bo Sra. Maria Filomena Pereira, Pe. Mouzinho Pereira Lopes, oan ba dahat husi maun-alin na‘in 11 nia hahu tama iha, Educacéo Formal iha, Escola Pré-Primaria (TK) Maliana iha tinan 1975 kontinua Escola Primaria (SD) Maliana iha tinan 1982 hakat ba SMP iha Colégio Infante de Sagres Maliana iha tinan 1985 nia kontinua tama iha. Seminario Menor Lalean Atambua iha tinan 1989 kontinua kedas Seminario Propedéutice Lahane Dili iha 1990.

Ano Espiritualidade iha Jakarta 1991) Estuda Filosofia no Teologia iha STEHT Widva Sasana, Malang iha 1992-97 Mestrado iha area Teologia Pastoral Juvenile Catequctica Roma iha tinan 2003 no hahu kurso Arte no kultura Europeia, London no Lisboa iha tinan 2004 Padre Mouzinhu Pereira Lopes simu sacramento Batismo iha Paréquia Sta. Crus Maliana husi Padre Lebo da Costa iha 10 de setembro de 1968.

Hetan ordenacao Diaconal iha 25 de fevebreiru 1998 husi Bispo Yosef Pondoy oputro, O.Carm, iha igreja Catedral “Maria Bunda Karmel” Malang; – Simu Ordenacdo Sacerdotal iha 11 de junho de 1999 husi Mgr. Carlos Filipe Ximenes Belo (SDB) iha Igreja Sé Catedral Dili. Knaar sira: ~ Pastoral iha Ainaro 1995-1996 Diaconado iha Balide 1998-1999 Prefeito iha Seminario Menor Balide 1999-2000 Reitor Seminario Menor Balide 2004-20117 Conselho Presbiteral Dili 2004 Diretor Comissio Liturgia Dili 2015 Comisséo Nacional Liturgia 2011 Docente Teologia iha Seminario Major SPEPAL Fatumeta 2016 Hanorin Logica iha DIT no UNPAZ 2004-2007 Decano iha ISFIT 2016 Diretor Nacional Missio TL (Pontificias Obras Missionérias 2011 Conselho Consultive Fundo Petrolifero 2022 Hanoria Lian Tetun bo Cultura Timorense iha “UCT (2022).

Imajem : Padre Lucio Norberto de Deus

Iha oportunidade hanesan, Padre Lúcio Norberto de Deus ba SAPNews hateten, sentidu Jubileu mai ho signifikativu katak selebrasaun ba vida saserdotal iha vokasaun amu lulik sira nian, ne’ebe hala’o knaar santo hahu husi ordenasaun saserdosiu iha tinan 1999 to’o ohin loron 2024 kompleta 25 anos.

“Iha tinan 1999 igreija katolika Timor-Leste hasoru tempu ida ne’ebe defisil tebe-tebes, situasaun politika rai laran kontra invazor Indonesia, nune’e Timor tama iha faze referendum, maibé ami nain 2 konsege hetan ordenasaun ba nai lulik iha tempu desanimadu nia laran”.

Nia hatutan iha tempu ne’ebe defisil mak sai alvu hodi dezafia Padre Mouzinhu Pereira Lopes no Padre Lúcio Norberto de Deus, hahu serbisu nu’udar amu lulik, maske evolusaun iha vokasaun ba amu lulik mosu iha tempu defisil maibé ho mentalidade no esperansa ba nai, Maromak konsege atinji objetivu.

Entertantu, iha misa agradesimentu ba loron Jubileu de Prata Saserdotal ba dala 25 prezide direita husi. Padre Lúcio Norberto de Deus, partisipa husi representante Santa sé iha Timor-Leste Marco Sprizze, Dom Virgilio Cardeal do Carmo da Silva, Bispu Dioseze Maliana Dom Norberto do Amaral, Bispu Dioseze Baucau Dom Leandro Maria Alves, Padre, Madre, seminarista, representante Parlamentu Nasionál (PN) autoridade lokal sira, militar sivil, Familia no sarani sira iha paroquia Maliana.

Jornalista, Marciana da Conceiçao & Guilhermino Ramos da Cruz